بیرلشکن ملتلر تشکیلاتی باش مجمعسینینگ ییللیک ییغینی اۉتگن کونی باشلنیب، دوام اېتماقده دیر.
بو ییل اوشبو مجمعنینگ ییغینی کۉپینچه فلسطین احوالی‌گه قره‌تیلگن بۉلیب، فلسطین مستقل دولتی رسمیت‌گه تانیلیشیگه علاوه دنیا رهبرلری بو مملکتده دوام اېتیب تورگن آغیر احوال تیزلیک بیلن یکونلنیشی اوچون تاکیدلماقده.
دیمک یوزدن آرتیق دولت رهبرلری، باش وزیرلر، تشقی ایشلر وزیرلر و شونگه اوخشش یوقاری مرتبه‌لی رسمی‌لر حضوری بۉلگن بو ییغین بیرینچی کونی‌ده سۉزگه چیققن کۉپلب کیشی‌لر فلسطین احوالی‌گه نقطه قوییلیشینی تکلیف قیلدی‌لر.
دولت رهبرلری‌نینگ بو خصوصده اساسی تکلیفی «ایکی دولت‌لیک ریجه» عملگه آشیریلیشی دیر.
فرانسه جمهور باشلیغی امانول مکرون، تورکیه جمهور باشلیغی رجب طیب اردوغان، بیرلشکن ملتلر تشکیلاتی باش کاتبی آنتونیو گوتریش، سعودی عربستان تشقی ایشلر وزیری فیصل بن فرحان و شونگه اوخشش باشقه بیر قنچه دنیا دولتلری‌نینگ رسمی‌لر حاضرگچه اۉز بیاناتلرینی بېریب، فلسطین‌ده دوامی بۉلگن آغیر احوال تیزلیک بیلن یکونلیشی همده ایکی دولت اۉرتهگه کېلیشینی بیان قیلدی‌لر.
