طالبان‌نینگ سرپل ولایتیده‌گی خوفسیزلیک قومندان‌لیگی بیر بیانات نشر قیلیب، بو ولایتده ناقانونی سقلنگن قوراللر تاپیلگنیدن خبر بېردی.
بو حقده سرپل خوفسیزلیک قومندان‌لیگی تامانیدن نشر اېتیلگن بیانات‌گه کۉره، بو قوراللر سرپل ولایتی‌نینگ صیاد تومنی‌دن تاپیلگن.
طالبان ادعاسی‌گه کۉره، اوشبو قوراللر کلاشینکوف، کره‌بین و تفنگچه‌دن عبارت بۉلیب ناقانونی حالده اهالی آره‌سیده سقلنگن اېکن.
طالبان بو حاکمیت کوچلری‌نینگ تروریزم‌گه قرشی کوره‌شلری دوامی‌ده بو قوراللر تاپیلگنینی معلوم قیلیب، بو واقعه‌گه باغلیق بیرانته حبسگه آلینگنی حقیده معلومات بېرمه‌گن.
ایتیش کېره‌ک که سونگی وقتلرده، سرپل، فاریاب و جوزجان ولایتلریده بیر قنچه اهالی خودی شو عیبلاو بیلن حبسگه آلینگن.
