سرپل ولایتیده طالبان خوفسیزلیک قومندان‌لیگی‌نینگ اعلام قیلیشیچه، بو ولایتده بیر کیشی موتر اوغری‌لش عیبلاوی بیلن حبسگه آلینگن.
بو حقده طالبان خوفسیزلیک قومندان‌لیگی تامانیدن نشر اېتیلگن بیانات‌گه کۉره، ایکی کیشی بیرگه‌لیکده سرپل اهالیسی‌دن بیری‌نینگ موترینی زور بیلن اوغری‌لب آلگن اېکن که بو شخص‌لردن بیرته‌سی طالبان کوچلری تامانیدن حبسگه آلینگن.
شونینگدېک طالبان بو شخص‌لردن ینه بیری ایزله‌نماقده دېب بیلدیردی.
بو واقعه شوندی بیرحالده یوز بېرماقده دیر که سونگی وقتلرده تورکستان و قطغن ولایتلریده، اوغری‌لیک واقعه‌لری کۉپه‌یشی خبر قیلینماقده.
اوشبو وضعیت شوندی بیرحالده دیر که سونگی ییللرده، طالبان حاکمیتیده‌گی افغانستان اهالیسی‌نینگ اقتصادی احوالی تاباره یامان‌لشیب بارماقده.
