اۉزبېکستان جمهور باشلیغی شوکت میرضیایف، بیرلشکن ملتلر تشکیلاتی باش مجمع‌سی‌نینگ ییغینی‌ده نطق سۉزلب، افغانستان حقیده هم فکر بیلدیردی.
اۉزبېکستان جمهور باشلیغی، دنیا و منطقه خوفسیزلیگی و برقرارلیگی اوچون افغانستان احوالی‌گه اعتبار قره‌تیلیشینی تاکیدلب، بو مملکتده دایمی تینچلیک تامین‌لنیشی اوچون سعی‌وحرکت اېتیلیشینی سۉره‌دی.
شوکت میرضیایف‌نینگ تاکیدلشیچه، خلق‌ارا همجمعیتی همکارلیگی بۉلمه‌گنده افغانستان رواجلنمس‌لیگی ممکن، شو اوچون بو مملکت انزواسی آلدی آلینیشی کېره‌ک دیر.
اۉزبېکستان دولت رهبری خلق‌ارا هم‌جمعیتیدن افغانستان‌گه اقتصادی و ترانزیتی آست-قورمه‌لرگه قره‌تیلگن لایحه‌لر عملگه آشیریشینی سۉره‌ب، بو حقده بیرلشکن ملتلر تشکیلاتیده بیر قطعنامه تصدیق‌لنیشینی تکلیف قیلدی.
عینی حالده میرضیایف، اۉزبېکستان مملکتی افغانستان‌ده سرمایه یاتقیزیشینی هم اعلام قیلدی.
ایتیش کېره‌ک که اۉزبېکستان جمهور باشلیغی بوندن ایلگری هم، تورلی ییغین‌لرده افغانستان حقیده نطق سۉزلب خودی شو مساله‌لرنی تکلیف قیلگن.
