تخار ولایتی هزارسموچ تومنی‌نینگ یشاوچیلریدن بیری نیک محمد ناملی کیشی قورالی ناتانیش شخص‌لر تامانیدن اۉلدیریلگن.
نیک محمد عایله‌سی اۉزبېک تی‌وی بیلن شریک قیلگن معلومات‌لریده، بو کیشی دکاندارلیک بیلن شغللنگنی و سنبله آیی‌نینگ ۲۱ – کېچه‌سی ناتانیش قورالی شخص‌لر تامانیدن اۉلدیریلگنینی معلوم قیلدی.
تخار ولایت بو یشاوچیسی، بو ولایت‌نینگ «قره‌پرچو» حدودیده، طالبان خوفسیزلیک پوسته‌سی یقینیده اۉلدیریلگن.
نیک محمد عایله‌سی بو کیشی اۉلدیریلگنیدن کېین، طالبان تورلی اداره‌لریگه مراجعه قیلیب، قضیه آچیق‌لنیشی و نیک محمدنی اۉلدیرگن شخص‌لر تاپیلیشینی سۉره‌شگن. بیراق اولرگه حاضرگچه بو خصوصده هیچ قنده‌ی جواب بېریلمه‌گن.
شونینگدېک نیک محمد یقین‌لری، بو کیشی یالغیز دکاندارلیک بیلن بند بۉلگنی و هیچ کیم بیلن دشمن‌لیکده بۉلمه‌گنینی تاکیدلب، نیک محمدنی اۉلدیرگن شخص‌لر تاپیلیب، عدالت اۉرنه‌تیلیشینی سۉره‌یدی.
ایتیش کېره‌ک که طالبان افغانستان بویلب خوفسیزلیک تامین‌لنیشینی ادعا قیلگن بیرحالده کۉپلب بوندی واقعه‌لر صادر بۉلیب، بو قضیه‌لر یاپیق قالیب کېتماقده دیر.
