بوگون میزان آیی‌نینگ ۲ – سی تورکی خلق‌لرنینگ مهم تیللریدن بیری بۉلمیش «تورکمن ملی خلق‌ارا کونی» بیلن ماس دیر.
اوشبو کون ییتیب کېلیشی بیلن فعاللر، بیانات یازیب بو تیلگه سۉزلب کېله‌یاتکن بوتون خلق‌لرگه قوتلوغ بۉلسین دېب بیلدیرگن.
شونینگدېک بو حقده مناسبت بیلدیرگن فعاللر، تورکمن تیلی اسره‌ب-اوه‌یلنیشی همده رواجلنیشی اوچون اعتبار قره‌تیلیشینی سۉرهشماقده دیر.
دیمک ییللر دیر که افغانستان و منطقه‌نینگ مهم تیریک تیللریدن بیری بۉلمیش «تورکمن تیلی» رواجی اوچون، طلب‌لر و تکلیف‌لر تیلگه آلینیب کېلماقده دیر. بیراق حاضرگچه بو تیل رواجی اوچون افغانستان حکومتی تامانیدن ییترلیچه اعتبار قره‌تیلمه‌گن.
افغانستان سابق حکومتی دوریده، تورکمن تیلی رواجی اوچون ریجه‌لر توزیلیشی اساسی قانون بویروغی اساسیده حکومت بورچ‌لریدن بیری بۉلسه‌ده. بیراق بو حکومت تېگیشلی اداره‌لری تامانیدن بو خصوصده اونچهلیک ایش بۉلینمهگن.
شونینگدېک اۉتگن تۉرت ییل دوریده هم، طالبان حاکمیت‌گه قیتیشی بیلن ایریم تیللر و مدنیت‌لر اینقسه اۉزبېک و تورکمن تیللری احوالی بیراز خوف آستیده توشیب قالگن.
طالبان حکومتی تامانیدن تورکمن تیلی رواجی اوچون قانقرلی بیران ریجه قۉلگه آلینمه‌گنیگه قوشیمچه، طالبان اۉزبېک و تورکمن تیللری و مدنیتی‌گه قرشی ایریم قرارلرنی قبول قیلگن.
بو تیللرگه اۉقیش زمینه‌لری یره‌تیلمسلیگی، مکتب‌لرگه ییترلیچه کتاب و اۉقیتووچی ترقه‌تیلمسلیگی، اۉزبېک و تورکمن تیللرینی بیتیریب چیققن‌لر اوچون ایش زمینه‌لری یۉق‌لیگی و شونگه اوخشش بیر قنچه معمالر تورکمن تیلی رواجی برابریده یره‌تیلگن.
افغانستان‌ده تورکمن تیلی رواجی اوچون دولت تامانیدن هیچ قنده‌ی بیر ریجه عملگه آشیریلمه‌گن بۉلسه هم بیراق تورکمن خلقی اینقسه فعاللر، اۉز تیل و مدنیت‌لرینی اسره‌ب-اوه‌یلش اوچون اولگوریب، کتته همت قیلیب کېلماقده دیر.
ایتیش کېره‌ک که تورکمن تیلی، تورکی تیللردن بیرته مهمی بۉلیب، دنیا بیر قنچه مملکتلری جمله‌دن، تورکمنستان، افغانستان و حتا عراق کبی مملکتلرده میلیون‌لب سۉزلاوچیسی بار.
