طالبان ایچکی ایشلر وزیرلیگی بوگون پنجشنبه ۳ – میزبان بیر بیانات نشر قیلیب خبر بېریشیچه، کابل شهری‌دن ایکی ایرکک و بیش عیال‌نی تیلنچی‌لیک عیبلاوی بیلن حبسگه آلگن.
طالبان ایچکی ایشلر وزیرلیگی‌نینگ اعلام قیلیشیچه، تیلنچی‌لیک بیلن شغللنیب تورگن بو شخص‌لر آلدیدن، ۶ یوز و ۷۶ مینگ و ۷۰۰ افغانی پول، اوچ لاکت طلا و بیر موتر تاپیلگن.
ایتیلیشیچه بو کیشی‌لر مال‌وملک‌لری بار بیرحالده، اۉزلرینی محتاج کۉرسه‌تیب تیلنچی‌لیک قیلر اېکنلر.
ایتیش کېره‌ک که سونگی وقتلرده، افغانستان اقتصادی آغیر احوالده توشیب قالیشی بیلن بیرگه تیلنچی‌لر سانی هم کۉپه‌یگن.
طالبان حاکمیت‌گه قیتگنیدن کېین بو تیلنچی‌لرنی ییغیش جریانینی هم باشله‌گن اېدی. بیراق بو ایش‌گه موفق بۉلالمه‌دی.
