اۉزبېکستان جمهور رییسی شوکت میرضیایوف نینگ تورموش اۉرتاغی، «زمین» فوندی وسیعلیک کېنگشی رئیسی زراعت‌خان میرضیایوه نیویارک شهریده‌گی بیرلشگن ملتلر تشکیلاتی عمومی ییغینی دایره‌سیده جهان ساغلیقنی سقلش تشکیلاتی (جسّت) باش اجرای اېتوچیسی دوکتور تدروس ادهانوم گبریسوس بیلن اوچره‌شوو اۉتکزدی. بو حقده «زمین» خلق‌ارا جماعت فوندی خبر بېردی.
میرضیایوه جسّت رهبریگه تشکیلات نینگ دنیاده طبیات و ساغلیقنی سقلشنی رواجلنتیریشگه قۉشه‌یاتگن اولکن حصه‌سی، اۉزبېکستان باله‌لری سرطانگه قرشی دارو واسطه‌لریدن فایده‌لنیشینی تأمینلش بۉییچه گلابل پلاتفورمنی قۉللب-قوّتلگنی و کېنگه‌یتیرگنی اوچون منّتدارلیک بیلدیرگن.
تامانلر همکارلیکنی ینه-ده فعاللشتیریشگه، خصوصاً، باله‌لر سرطانینی اېرته انیقلش، دیگناستیکه و دوالش‌نینگ زمانوي اصوللرینی جاري اېتیش، آنکولوژي ساحه‌سیده متخصصلرنی تیارلش، شونینگدېک، باله‌لر و اولرنینگ عایله‌لریگه روحي – اجتماعي یاردم کۉرستیش امکانیتلرینی کېنگه‌یتیریشگه تیار اېکنلیگینی تأکیدله‌گن.
جسّت باشلیغی اۉزبېکستان‌نینگ ساغلیقنی سقلش ساحه‌سیده‌گی ایشلریگه همده مهم اجتماعي و یشش محیط لایحه‌لرنی عملگه آشیره‌یاتگن «زمین» فوندی فعالیتیگه یوکسک بها بېرگن.
اېسله‌تیب اۉتمیز، اوّلراق بیرینچی خانیم زراعت‌خان میرضیایوه نیویارک شهریگه تشریف دایره‌سیده تورکيه جمهوریتی نینگ بیرینچی خانیمی امینه اېردۉغان نینگ پشنهادیگه بناءً اوشبو مملکت مدني میراثیگه بغیشلنگن کۉرگزمه بیلن تنیشگندی.
