سرپل ولایت مقام‌لیگی‌نینگ مطبوعات بۉلیمی تامانیدن نشر اېتیلگن بیانات‌گه کۉره، بو ولایتده ۵۵۵ میلیون افغانی ارزشی‌گه بیر یۉل قوریلیش ایشی باشلنگن.
بو حقده نشر اېتیلگن بیانات بیلدیریشیچه، مذکور لایحه سرپل – بلخاب آره‌سیده‌گی ۱۰۰ کیلومتر یۉل‌دن عبارت دیر.
اوشبو لایحه‌نینگ قیر توشه‌شدن عبارت ۲۵ کیلومتری سۉزمه قلعه تومنی‌نینگ دوآبه قیشلاغی‌دن باشلنیب، سانچارک تومنی‌نینگ توپخانه قیشلاغی‌گه قدر دوام اېته‌دی.
طالبان بو لایحه‌نینگ عملگه آشیریش ایشی کېله‌سی ۲۲ آی دوامی‌ده یکونلنیشینی معلوم قیلدی.
شونینگدېک ۵۵۵ میلیون و ۱۰۰ افغانی ارزشی‌گه ایگه بۉلگن اوشبو لایحه‌ده ۴۰۰ کیشی ایش بیلن تامین‌لنیشی هم معلوم قیلینگن.
سرپل ولایتیده بو لایحه شوندی بیرحالده عملگه آشیریلماقده دیر که طالبان حاکمیت‌گه قیتگنیدن بیری بو ولایت‌نینگ کانلرینی چیقاریش‌گه باشلب، میلیاردلب عاید قۉلگه کېلتیرگن. بیراق اوشبو عایدلر سرپل ولایتیده رواجلنیش اوچون صرف اېتیلمه‌ی بو ولایتدن تشقری چیقیشی‌دن تنقیدلر موجود اېدی.
