اۉزبېک تی‌وی تیکشیرووی اساسیده، طالبان حاکمیت‌گه قیتگنیدن بیری افغانستان‌ده پشتونلرنی مطلق جمعیت کۉرسه‌تیش همده شمال و شمال شرقی ولایتلرده اتنیک مهندس‌لیگی ریجه‌سینی عملگه آشیریش مقصدیده، خاص تذکره‌لرنی ترقه‌تماقده دیر.
افغانستان‌ده سابق حکومت دوریده‌گی حزب‌لردن بیری همده بو حزب‌نینگ رهبری اۉزبېک تی‌وی گه شریک قیلگن تاپیشلمه‌لری بو مساله‌نی بیلدیرگن همده اۉزبېک تی‌وی مستقل حالده منبع‌لر معلوماتی اساسیده تیکشیرووی نتیجه‌سی هم خودی شوندی بیر اولگوریش‌لرنی تصدیق‌لدی.
سابق حکومت دوریده‌گی حزب‌لردن بیری طالبان احصاییه اداره‌لریده‌گی منبع‌لری معلومات‌لری و گواهی بۉلگن واقعه‌لرگه اساسلنیب توپله‌گن معلوماتی اساسیده، شمال و شمال‌شرق ولایتلریده طالبان محلی رسمی‌لری تامانیدن دیورند چیزیغی وو تامانیدن آلیب کېلینگن کیشی‌لر همده ترورچی گروه‌لر اعضالری بۉلمیش، عرب‌لر، اویغورلر، چچن‌لر، قرغیزلر و اۉزبېکلرگه تذکره ترقه‌تیب، اولرنی پشتون اوله‌راق بو حدودلرده جایله‌شتیرماقده.
مذکور حزب و اونینگ رهبری، طالبان احصاییه اداره‌لریده‌گی منبع‌لری کیم‌لیگی فاش اېتیلیب اولرگه بیران معما چیقمس‌لیگی سبب، اۉزبېک تی‌وی گزارشی‌ده حزب یا ده اونینگ رهبری آتی سِر قالیشینی سۉره‌دی.
عینی حالده اۉزبېک تی‌وی هم بو مساله‌نی مستقل تیکشیریش مقصدیده، بیر قنچه منبع‌لردن معلومات توپله‌دی که اوشبو معلومات‌لرهم طالبان حاکمیتیده، خودی شوندی بیر ریجه‌لر عملگه آشیریلیب تورگنینی تصدیقله‌یدی.
بو خصوصده اۉزبېک تی‌وی قۉل تاپکن معلومات اساسیده، طالبان محلی رسمی‌لری اندخوی کبی اۉزبېک و تورکمن‌لر یشاوچی حدودلرده، تذکره خادملریگه باسیم کېلتیریب، اولرنی ناتانیش انسان‌لرگه پشتونی تذکره ترقه‌تیشگه مجبور قیلگنلر.
شونینگدېک بو حدودلرده‌گی ایریم پشتون‌لر هم ناتانیش، بابا و اجدادی کیم‌لیگی نامعلوم بۉلگن و اولردن هیچ قنده‌ی بیران تذکره بۉلمه‌گن انسان‌لرنی آلیب کېلیب، عمکیم بۉله‌دی دېب تذکره آلیب بېرماقده دیر.
بو حقده معلومات شوندی بیرحالده نشر اېتیلماقده دیر که طالبان بوندن ایلگری بیر نیچه مراتبه، افغانستان‌ده اهالی رویخط‌نی آلیش جریانینی باشله‌شی ممکن‌لیگیدن خبر بېرگن.
بیراق حاضرگچه طالبان اوشبو جریان قنده‌ی و قیسی اصول اساسیده عملگه آشیریلیشی حقیده تۉلیق بیلگی بېرمه‌گن.
طالبان شوندی بیرحالده بو خصوصده اولگورماقده دیر که حاضرگچه بو حاکمیت افغانستان‌گه رسمیت‌گه تَن آلینمه‌گن، شو اوچون نامشروع بیر حکومت تامانیدن اهالی رویخطی آلینیشی اصول‌دن تشقری دېب بیلدیریله‌دی.
