فاریاب ولایتیده طالبان خوفسیزلیک قومندان‌لیگی، بو ولایتده سابق حکومت حربی‌لری حبسگه آلینیشی خصوصیده اۉزبېک تی‌وی گزارشی‌گه نسبتن مناسبت بیلدیریب، سابق حکومت حربی‌لریدن ۱۵ کیشی حبسگه آلینگنینی رد قیلدی.
طالبان خوفسیزلیک قومندان‌لیگی اۉزبېک تی‌وی‌نینگ بو خصوصده‌گی گزارشی‌گه مناسبت بیلدیریب یازگن بیاناتیده، بو ولایتده بیر یا ایکی کیشی حقوقی مساله‌لرگه باغلیق حبسگه آلینگنی تصدیق‌لنگن.
طالبان‌نینگ ادعا قیلیشیچه، بو بیر یا ایکی کیشی سابق حکومت دوریده بۉلگن حربی فعالیت‌لری سبب‌لی حبسگه آلینگن اېمس.
ایتیش کېره‌ک که فاریاب ولایتی خواجه‌سبزپوش تومنی‌نینگ بای قیزی/بادغیسی قیشلاغی‌دن ایشانچلی منبع‌لر، بو قیشلاق‌دن بۉلگن سابق حکومت حربی‌لری حبسگه آلینگنینی اۉزبېک تی‌وی گه تصدیق‌لگن اېدی.
