سرپل ولایتیده طالبان خوفسیزلیک قومندان‌لیگی‌نینگ تصدیق‌لشیچه، بو ولایت مرکزیده جایله‌شگن اوی‌لردن بیری‌ده یوز بېرگن یانغین نتیجه‌سیده، کمیده ۵۰۰ مینگ افغانی زیان اۉرته‌گه کېلگن.
اوشبو واقعه سرپل شهری‌نینگ ایکینچی خوفسیزلیک حوزه‌سیگه قره‌شلی «چرم‌گرخانه» حدودیده یوز بېرگن.
واقعه اۉتگن کېچه ساعت ۱:۰۰ اطرافیده برق توته‌شووی نتیجه‌سیده یوز بېرگنی خبر قیلیندی.
سرپل ولایتی خوفسیزلیک قومندان‌لیگی معلوماتی‌گه کۉره، بو واقعه‌ده بیر میلیون و ۵۰۰ ارزشیگه بۉلگن بویوم‌لر سقلب قالینگن.
ایتیش کېره‌ک که سونگی کونلر ایچیده، افغانستان بیر نیچه ولایتیده یانغین یوز بېریب، اهالی‌گه مالی زیان اۉرته‌گه آلیب کېلدی.
