بیرلشکن ملتلر تشکیلاتی چوکاتیده فعال تورلی اداره‌لر ینگی حسابات نشر قیلیب، افغانستان شرقی حدودلریده یوز بېرگن سونگی زلزله‌دن زیان کۉرگنلر احوالی‌دن خواطر بیلدیرگن.
اوشبو حسابات‌لرده، زلزله‌لردن زیان کۉرگنلرگه تیزلیک بیلن یاردم کۉرسه‌تیلیشی طلب قیلینگن.
بو تشکیلات‌لردن بیری بۉلمیش خلق‌ارا اوی-جای دستوری، اۉزی‌نینگ حساباتیده، زلزله باعث کۉپلب اهالی باش‌پناه‌سیز قالگنیدن اېسلب، اولر اوچون مستحکم اوی قوریلیشی مقصدیده یاردم اېتیلیشی کېره‌ک دېب بیلدیرگن.
شونینگدېک خلق‌ارا ساغلیقنی سقلش تشکیلاتی هم، زلزله‌دن کېین افغانستان شرقی حدودلری اهالیسی دوچ بۉلگن ساغلیق احوالی‌دن هم خواطر بیلدیرگن.
ایتیش کېره‌ک که سونگی وقتلرده، افغانستان شرقی حدودلریده یوز بېرگن زلزله نتیجه‌سیده مینگلب کیشی اۉلیب و یره‌لنیشیگه علاوه کۉپلب اوی‌لر ویران بۉلگن اېدی.
