طالبان تشقی ایشلر وزیرلیگی ادعاسی‌گه کۉره، روسیه بو حاکمیت «مسکو فارمتی» اعضالیگی اوچون اۉز حمایه‌سینی اعلام قیلگن.
بو مساله‌نی روسیه‌نینگ کابلده‌گی ایلچیسی دیمیتری ژیرنوف، طالبان تشقی ایشلر وزیری امیرخان متقی بیلن اۉتکزگن اوچره‌شوویده، بیان قیلگن.
شونینگدېک طالبان تشقی ایشلر وزیرلیگی مذکور فارمت کېله‌سی ییغینی‌ده، طالبان هیاتی اشتراک اېتیشی‌دن هم خبر بېردی.
ایتیلیشیچه کېله‌سی اکتبر آیی دوامی‌ده اۉتکزیلیشی ریجه‌لشتیریلگن بو ییغین‌ده، طالبان تامانیدن بو حاکمیت تشقی ایشلر وزیری امیرخان متقی باشچیلیگیده‌گی هیات اشتراک اېته‌دی.
طالبان تشقی ایشلر وزیرلیگی تامانیدن نشر اېتیلگن بیاناتده، بو فارمت‌ده افغانستان عضویتی اونملی آدیم بیان بۉلینگن.
