اۉزبېکستان و اوکراین تشقی ایشلر وزیرلری نیویارک‌ده مملکتلر اۉرته‌سیده ملاقاتنی چوقورلشتیریش وهمکارلیکنی کېنگه‌یتیریش مسأله‌لرینی محاکمه قیلدی. جاري ییل نینگ بیرینچی یرمیده اۉزارا تاور ایلنمسی 50 فایزگه آشدی.
اۉزبېکستان تشقی ایشلر وزیری بختیار سعیدوف بمت عمومی ییغینی دایره‌سیده اوکراین تشقی ایشلر وزیری اندري سیبیگه بیلن اوچرشدی. بو حقده اۉزبېکستان تیو رهبری معلوم قیلدی.
اونینگ سۉزلریگه کۉره، صحبت دوامیده سودا، تعلیم و مدني همکارلیک کبی ایکّی تامانله‌مه مناسبتلرده‌گی دالضرب مسأله‌لر، شونینگدېک، خلق‌ارا تشکیلاتلر دایره‌سیده‌گی کۉپ تامانله‌مه علاقه‌لرنینگ اساسي یۉنه‌لیشلری محاکمه قیلیندی.
اوچره‌شوویمیز اۉزبېکستان و اوکراین اۉرته‌سیده‌گی ملاقاتنی ینه‌ده چوقورلشتیریش، شریکلیکنی مستحکملش همده خلقلریمیز منفعتلری یۉلیده ینگی امکانیتلرنی آچیش باره‌سیده‌گی قطعي اینتیلیشیمیزنی تصدیقله‌دی»، دېب یازدی سعیدوف.
اندرېی سیبیگه اۉز نوبتیده تامانلر سیاسي ملاقاتنی قَیته تیکلش و تورلی ساحه‌لرده ایکّی تامانله‌مه همده کۉپ تامانله‌مه همکارلیکنی کېنگه‌یتیریشگه کېلیشیب آلگنینی تأکیدله‌دی.
اونینگ سۉزلریگه کۉره، اوکراین اۉزبېکستان بیلن مناسبتلرنی رواجلنتیریش و مرکزي آسیا بیلن علاقه‌لرنی مستحکملشگه صادق.
اۉزبېکستان تشقی ایشلر وزیرلیگی گزېته‌گه معلوم قیلیشیچه، تامانلر سیاسي ملاقاتنی تۉخت‌تمه‌گن.
تأکیدلش جایز، مملکتلر تشقی ایشلر وزیرلیکلری اۉرته‌سیده‌گی سیاسي مصلحتلشوولر سۉنگّی مرته 2021-ییل می‌ده بۉلیب اۉتگن.
بونگچه اۉزبېکستان و اوکراین تشقی ایشلر وزیرلری 2013-ییل 11-اکتوبر کونی، اوشبو لوازملرنی عبدالعزیز کامل‌وف و لېانید کاجره اېگه‌للب تورگن پیتده اوچره‌شگن اېدی.
ملي ستاتیستیکه کمیته‌سی معلوماتلریگه کۉره، اۉزبېکستان و اوکراین اۉرته‌سیده‌گی تاور ایلنمسی 2022-ییلده باشلنگن پسه‌ییشدن کېین، 2025-ییل نینگ بیرینچی یرمیده تۉخته‌دی و سېزیلرلی اۉسیش کوزه‌تیلدی.
2021-ییل نینگ جنوری-جون آیلریده ایکّی مملکت اۉرته‌سیده‌گی تشقی سودا حجمی 278،4 میلیون دالرنی تشکیل اېتگن بۉلیب، اۉش‌نده بو کۉرستکیچ آخرگی تۉرت ییلده‌گی اېنگ یوقاری نتیجه بۉلگن. 2022-ییل نینگ شو دوریده، روسيه نینگ اوکراین‌گه تۉلیق کۉلملی هجومی باشلنگنیدن سۉنگ، سودا 176،4 میلیون دالرگچه توشدی. 2023-ییل نینگ شو دوریده 105،4 میلیون، 2024-ییلده اېسه 101،5 میلیون دالرنی تشکیل اېتدی.
بیراق 2025-ییل نینگ بیرینچی یرمیده ایکّی مملکت اۉرته‌سیده‌گی تاور ایرباشلش کېسکین 50 فایزگه آشیب، 151،8 میلیون دالرگه یېتدی.
