پاکستان پایتختی اسلام آباد شهریده، بوگون ۷ – میزان کونی طالبان‌گه قرشی افغانستان‌لیک فعاللر ییغینی باشلنیشی کوتیله‌دی.
ایریم منبعلرنینگ اۉزبېک تی‌وی گه بېرگن معلوماتی‌گه کۉره، اوشبو ییغین‌ده اشتراک اېتیش مقصدیده بیر قنچه فعاللر پاکستان‌گه هم سفر قیلگن.
حاضرگچه بو خصوصده تۉلیق معلومات یۉق و اۉزبېک تی‌وی بو موضوع‌نی تیکشیریب تورگن.
دېیرلی اوشبو ییغین، جنوبی آسیا استراتیژیک برقرارلیگی موسسه‌سی تامانیدن افغانستان اوچون عیاللر گروهی همکارلیگیده اۉتکزیلماقده و ییغین بیر نیچه هفته کیچیکتیریلیشدن کېین باشلنیب، بوگون و اېرته دوام اېتیشی ممکن دیر.
اوشبو ییغین‌ده اۉزبېک فعاللردن عالیه ییلماز و افغانستان ملی اسلامی جنبش حزبی وکیللری بۉلمیش مولوی عبدالله قرلق و فریدون الهام چقیریلگنی اعلام قیلینگن.
بوندن ایلگری ایریم منبع‌لر، افغانستان ملی اسلامی جنبش رهبریتی بو حزب تامانیدن پاکستان‌ده اۉتکزیلگن ییغین‌ده اشتراک اېتمس‌لیگی قرار قیلگنی بیلدیرگن اېدی. بیراق حاضر منبع‌لر جنبش حزبی بو قراری‌گه قرشی پاکستان‌ده بوگون باشلنیشی کوتیلگن ییغین‌ده، اوشبو حزب وکیلی اشتراک اېتیشی ممکنلیگی اَیتیلماقده. بو مساله هم اېسه حاضرگچه تۉلیق تصدیق‌لنمه‌گن.
عینی حالده پاکستان‌ده بو ییغین اۉتکزیلیشی، بو مملکت‌نینگ طالبان‌گه قرشی دیپلوماتیک باسیمی دېب هم بیلدیریلماقده دیر.
اوشبو ییغین شوندی بیرحالده دیر که سونگی وقتلرده، پاکستان و طالبان مناسبتلری بیراز یامان‌لشگن.
