امریکا قوشمه ایالتلری‌نینگ هیاتی سونگی ایکی هفته ایچیده ایکی مراتبه کابلگه کېلیب، بو مملکت‌نینگ طالبان آلدیده اسیر بۉلگن وطنداشلری تقدیری حقیده مذاکره قیلماقده دیر.
بوندن ایلگری سنبله آیی‌نینگ ۲۲ – نچی کونی، امریکا جمهور باشلیغی‌نینگ اسیرلر بۉییچه مخصوص وکیلی ادم بولر بیر هیات باشچیلیگیده کابل کېلیب، طالبان رسمی‌لری بیلن اوچره‌شگن اېدی.
امریکانینگ افغانستان تینچ‌لیک مذاکره‌لری بۉییچه سابق مخصوص وکیلی و امریکاده طالبان اوچون لابی‌گرلیک قیلیش‌ده عیب‌لنیب کېلهیاتکن زلمی خلیلزاد هم اوشبو هیات ترکیبی‌ده بار اېدی.
اوشبو سعی‌وحرکتلر دوامی‌ده، امریکانینگ طالبان آلدیده اسیر بۉلگن وطنداشلری‌دن بیری امیر امیری آزاد اېتیلگن.
ایتیش کېره‌ک که امریکا اوشبو هیاتی‌نینگ کابلگه بۉلگن اۉتگن سفری، نتیجه‌سیز قالگنی و طالبان بو مملکت وطنداشلرینی آزاد اېتمه‌گنیدن کېین. امریکا قوشمه ایالتلری جمهور باشلیغی دونالد ترامپ بگرامگه قیتیشی ممکن‌لیگینی بیر نیچه مراتبه تیلگه آلدی.
حاضر اېسه ینه بیربار ادم بولر اۉتگن کون کابل کېلیب، طالبان تشقی ایشلر وزیری امیرخان متقی بیلن اوچره‌شگن.
عینی حالده امریکا سابق وکیلی زلمی خلیلزاد هم، اۉزی‌نینگ ایکس صحیفه‌سیده یازگن بیاناتیده، اسیرلر موضوع‌سی طالبان و امریکا مناسبت‌لرینی یخشی‌لنتیریش اوچون مهم مساله دېب بیلدیرگن.
بو حقده بۉلگن معلومات‌لر اساسیده، حاضر امریکانینگ اوچ وطنداشی طالبان قماقخانه‌لریده سقلنیب کېلماقده دیر.
