طالبان قراری اساسیده اۉتگن دوشنبه کونی، افغانستان بویلب انترنت و تۉلیق علاقه‌لر اوزیلگن اېدی و بو چیکلاو ایکی کون و کیچه دوام اېتدی.
حاضر اوشبو چیکلاو بیکار قیلینگنی آرتیدن، بوگون مملکتده بانکلر، اوچیش‌لر و شونگه اوخشش باشقه خذمت ساحه‌لری فعالیتی قیته باشلنیشی کوتیله‌دی.
افغانستان‌ده فعال بۉلگن ایریم بانکلر و هوا یۉللری کمپنیه‌لری بوگون پنجشنبه ۱۰ – میزان، فعالیت‌لرینی قیته باشله‌شینی معلوم قیلگن.
ایتیش کېره‌ک که افغانستان‌ده اۉتگن کونلر دوامی‌ده انترنت و تۉلیق علاقه یۉق‌لیگی سبب، کۉپلب ساحه‌لر ایشی تۉخته‌تیلگن اېدی.
طالبان حاضرگچه بو قرارنی نیمه مقصد بیلن آلگنی حقیده آچیق‌لگن اېمس.
بوندن ایلگری آسوشیتدپرس یېتکیرمه‌سی طالبان‌دن نقل قیلیب، بو قرار ایسکیرگن کیبللرنی ینگی‌لشتیریش مقصدیده آلگنینی اعلام قیلگن اېدی. بیراق طالبان سۉزلاوچیسی ذبیح الله مجاهد بوگون اېرته‌لب نشر قیلگن بیاناتیده، بو مساله‌نی رد قیلدی.
طالبان سۉزلاوچیسی بیاناتیده، انترنت اوزیلیشی سببی خصوصیده هیچ قنده‌ی آچیق‌لیک بېریلمه‌گن.
