روسیه تشقی ایشلر وزیرلیگی بیاناتی‌گه اساسلنیب نشر اېتیلگن خبرلرگه کۉره، ایران و روسیه اۉرته‌سیده‌گی استراتیژیک همکارلیک شرطنامه‌سی بوگون‌دن باشلب ایشگه توشیریله‌دی.
ایران‌نینگ تسنیم اخبارات آژانسی بو حقده نشر قیلگن خبری‌ده اوشبو مساله‌نی اعلام قیلگن.
دیمک مذکور شرطنامه، میلادی جاری ییل‌نینگ ۱۷ – جنوری‌‌سیده ایران و روسیه دولت رهبرلری اۉرته‌سیده امضالنگن اېدی.
روسیه تشقی ایشلر وزیرلیگی‌نینگ بو حقده نشر قیلگن بیاناتیده، اوشبو شرطنامه عملگه آشیریلیشی ایران و روسیه اۉرته‌سیده‌گی همکارلیکلر خصوصیده اونملی بیر آدیم دېب بیلدیریلگن.
اوشبو شرطنامه اساسیده، روسیه و ایران خلق‌ارا دیپلوماسی‌ده بیر بیراوی بیلن کۉپراق همکارلیکده بۉلهدی و نیچه قطب‌لی جهان تیزیمی اۉرته‌گه کېلیشی خصوصیده بیرگه‌لیکده اولگوره‌دی همده بو ایکی مملکت بیر بیراولری و منطقه خوفسیزلیگی خصوصیده مناسبت‌لرینی آشیره‌دیلر.
