ایریم یېتکیرمه‌لر اۉز منبع‌لری معلوماتی‌گه ته‌ینیب نشر قیلگن خبرلریگه کۉره، افغانستان شرقی قسمیده جایله‌شگن کنر ولایتیده طالبان و پاکستان چیگره کوچلری اۉرته‌سیده تۉقنه‌شوو یوز بېرگن.
اطلاعات‌روز کونده‌لیگی تامانیدن بو حقده نشر اېتیلگن خبرگه کۉره، تۉقنه‌شوو بوگون اېرته‌لب پنجشنبه ۱۰ – میزان کونی یوز بېرگن.
حاضرگچه تۉقنه‌شوو نیمه سبب یوز بېرگنی همده تۉقنه‌شوو نتیجه‌سیده اۉرته‌گه کېلگن قربان‌لیکلر حقیده بیران نرسه اَیتیلگن اېمس.
شونینگدېک طالبان هم بو خصوصده حاضرگچه معلومات بېرگن اېمس.
ایتیش کېره‌ک که طالبان و پاکستان چیگره کوچلری آره‌سیده بوندن ایلگری بیر نیچه مراتبه تۉقنه‌شوو یوز بېرگن.
