امریکا قوشمه ایالتلری جمهورباشلیغی دونالد ترامپ تامانیدن تیارلنگن تینچ‌لیک ریجه، ایریم شرط‌لر بیلن حماس گروهی آرقه‌لی تصدیق‌لنگنی کینگ مناسبتلرگه سبب بۉلماقده دیر.
حماس گروهی بو ریجه اساسیده اسیرلرنی آزاد اېتیشی و اسراییل تامانیدن غزه‌ده ییریک حربی عملیات تۉخته‌تیلیشی، غزه اوروشی یکونلنیشی اوچون ینگی امیدلرنی یره‌تگن.
بو حقده بۉلگن مناسبت‌لر دوامی‌ده، تورکیه جمهور باشلیغی رجب طیب اردوغان اۉزی نینگ ایکس صحیفه‌سیده یازگن بیاناتیده، حماس گروهی تامانیدن آلینگن قرار تینچ‌لیک اوچون اونملی بیر آدیم اېدی دېب بیلدیرگن.
شونینگدېک اردوغان، تینچ‌لیک کېلیشوولری فلسطین‌لیکلر منفعتی‌گه یکونلنیشی مقصدیده تورکیه سعی‌وحرکتیدن ایشانچ بېریب، ینه بیربار ایکی دولت‌لیک ریجه عملگه آشیریلیشینی سۉره‌دی.
عینی حالده بریتانیا باش وزیری کی‌یر استارمر هم بو ریجه خصوصیده مناسبت بیلدیریب، ایکی تاماندن ریجه‌نی بوتونله‌ی عملگه آشیریلیشی خصوصیده اعتبار قره‌تیشلرینی سۉره‌گن.
