تورکیه‌نینگ استانبول شهریده، تورکستان ایللری اوقوو، کلتور و یاردملشمه اویوشمه‌سی تشبثی بیلن بیر احتفال اۉتکزیلیب، شاعر، ژورنالیست و یازووچی محمدعالم کوهکن یاد اېتیلیب، اونینگ ایجادلری قدرلندی.
احتفالده نطق سۉزله‌گن، تورکستان ایللری اوقوو، کلتور و یاردملشمه اویوشمه‌سی‌نینگ باشلیغی محمدهاشم همدم، مذکور اویوشمه باشقروو کېنگشی قراری‌گه اساس، هر ییلی ۲۱ – اکتوبر اۉزبېک تیلی بیره‌می مناسبتی بیلن محمدعالم کوهکن نامی‌ده‌گی ادبی مکافات تورک دنیاسیدن بیر شاعر، یازووچی و ژورنالیست‌گه بېریلیشینی اعلام قیلدی.
شونینگدېک احتفالده نطق سۉزله‌گن باشقه فعاللر هم، محمدعالم کوهکننینگ تیلی‌میز و مدنیت‌میز اوچون بجرگن فعالیت‌لریدن قدرله‌گن.
عینی حالده، جناب کوهکننینگ اۉغلی تویغون کوهکن، آته‌سی ایجادلری حقیده سۉزلب، بو کیشی‌نینگ قالگن اثرلری چاپ اېتیلیشیدن خبر بېردی.
شونینگدېک بو احتفالده «کوهکننینگ حیاتی و فعالیتی» عنوانی آستیده بیر پنل هم اۉتکزیلیب، شاعر، یازووچی و ژورنالیست‌نینگ حیاتی و فعالیت‌لری محاکمه اېتیلدی.
ایتش کېره‌ک که محمدعالم کوهکن بیر عمرلیک علمی و ادبی فعالیت‌لریدن سونگ یقین‌ده، ۶۳ یاشی‌ده امریکاده وفات اپتیب، پیکری توغیلگن یورتی فاریاب‌گه توپراققه تاپشیریلدی.
