طالبان عامه منفعت‌لر وزیرلیگی تامانیدن نشر اېتیلگن معلومات‌گه کۉره، اۉتگن بیر هفته دوامی‌ده افغانستان تیمیر یۉللری آرقه‌لی ۹۷ مینگ و ۵۲۲ متریک تُن یوک تاشیلگن.
مذکور وزیرلیک بوگون یکشنبه ۱۳ – میزان نشر قیلگن بیاناتیده، اوشبو یوکلر میزان آیی‌نینگ ۴ – سیدن ۱۰ – سیگه قدر تاشیلگنینی بیلدیردی.
اوشبو مدت ایچیده، حیرتان آرقه‌لی (۷۳۸۲۵) تُن، آقینه آرقه‌لی (۲۰۴۲) تُن، تورغندی تیمیر یۉلی آرقه‌لی (۱۵۰۶۷) تُن و خواف–هرات تیمیر یۉلی آرقه‌لی (۶۵۸۸) تُن یوک تاشیلگن.
طالبان عامه منفعت‌لر وزیرلیگی، اوشبو یوکلر سوداگرلیک توارلردن عبارت بۉلیب، افغانستان‌دن چیت‌ایلگه صادر اېتیلگن و عکسینچه افغانستان‌گه چیت ایل مملکتلریدن وارد اېتیلگنینی معلوم قیلدی.
