پاکستان باش وزیری‌نینگ مالیزیاگه بۉلگن سفری و بو مملکت باش وزیری انور ابراهیم بیلن بۉلگن اوچره‌شوویده، افغانستان مساله خصوصیده هم بحث اېتیلگن.
بو حقده نشر اېتیلگن معلومات‌لرگه کۉره، پاکستان و مالیزیا دولت رهبرلری افغانستان‌ده حکومت ترکیبی، انسان حقلری احوالی و طالبان اوچون بۉلگن خلق‌ارا مجبوریت‌لر حقیده سۉزلشگن.
ایتیلیشیچه پاکستان و مالیزیا بو ییریک مقاملری، افغانستان‌ده کینگ قمراولی حکومت تشکیل اېتیلیشینی طلب قیلگنلر.
شونینگدېک اوشبو مملکتلر دولت رهبرلری طالبان‌دن افغانستان اهالیسی حقلرینی حرمت قیلیش و خلق‌ارا مجبوریت‌گه اعتبار قره‌تیشینی سۉره‌گن.
ایتیش کېره‌ک که دنیا مملکتلری تۉرت ییل‌دن بویان، طالبان‌دن برچه قوملر حضوری بۉلگن کینگ قمراولی حکومت توزوشینی سۉره‌ب کېلماقده دیر. بیراق طالبان اېسه حاضرگچه بو طلب‌لرگه تَن بېرگن اېمس.
