افغانستان خصوصیده بۉلگن مسکو فارمتی ییغینی، بوگون سه‌شنبه ۱۵ – میزبان باشلندی.
دیمک اوشبو ییغین‌ده، منطقه مملکتلری همده طالبان وکیللری اشتراک اېتیب، افغانستان خصوصیده فکر المشتیرماقده دیر.
بو ییغین‌ده روسیه تشقی ایشلر وزیری سرگی لاوروف، منطقوی بۉلمه‌گن کوچلرنینگ افغانستانده حربی حضوریدن آگاه‌لنتیردی.
روسیه تشقی ایشلر وزیری شوندی بیرحالده بو مساله خصوصیده آگاهلننتیرماقده دیر که سونگی وقتلرده، افغانستان‌نینگ بگرام قونلغه‌سیده امریکا قیتیشی تۉغریسیده بۉلگن بحث‌لر جدی‌لشگن.
بو حقده امریکا جمهور باشلیغی دونالد ترامپ سۉزلری‌دن کېین، طالبان‌گه قوشیمچه روسیه کبی مملکتلر هم خواطرلنگن.
اوشبو خواطرلر باعث، بو ییل مسکو فارمتی ییغینی خودی شو موضوع حقیده تمرکز اېتیلیب اۉتکزیلماقده. ییغین‌ده طالبان تامانیدن هم بو حاکمیت تشقی ایشلر وزیری امیرخان متقی باشچیلیگیده بۉلگن هیات اشتراک اېتگن.
ایتیش کېره‌ک که مذکور ییغین، میلادی ۲۰۱۷ – ییل‌دن بیری افغانستان خصوصیده اۉتکزیلیب کېلماقده دیر.
