فاریاب ولایتیده محلی منبع‌لرنینگ اۉزبېک تی‌وی گه تصدیق‌لشیچه، بو ولایتده طالبان محلی کوچلری تامانیدن حبسگه آلینگن سابق حربی‌لر و بو حربی‌لرنینگ یقین‌لریدن تۉرت کیشی آزاد اېتیلدی.
محلی منبع‌لر معلوماتی‌گه کۉره، اوشبو ولایتده سابق حربی‌لردن بۉلمیش، حبیب الله و محمدامین همده فیض الله ناملی ایکی کیشی طالبان قراری‌گه اساس آزاد اېیتلگن.
دیمک بو کیشی‌لر سونگی وقتلرده طالبان تامانیدن فاریاب ولایتی خواجه سبزپوش تومنی‌نینگ بای‌قیزی/بادغیسی قیشلاغی‌دن اوشلنگن یقین ۱۵ کیشی جمله‌سیدن دیر که سونگی کونلر ایچیده قیته آزاد اېتیلگن.
ایتیش کېره‌ک که میزان آیی‌نینگ ۴ – کونی، محلی منبع‌لر اۉزبېک تی‌وی گه بو کیشی‌لر حبسگه آلینگنینی بیلدیرگن اېدی.
بو حقده بۉلگن گزارش نشر اېتیلگنی آرتیدن، فاریاب ولایتیده طالبان خوفسیزلیک قومندان‌لیگی اۉزبېک تی‌وی‌نینگ گزارشی‌گه نسبتن مناسبت بیلدیریب، یالغیز بیر یا ایکی کیشی حقوقی مساله‌لر باعث حبسگه آلینگنینی تصدیق‌لدی.
محلی منبع‌لر معلوماتی‌گه کۉره، یقین‌ده آزاد اېتیلگن حربی‌لر طالبان‌گه قرشی‌لیک قیلیش و قورال سقلش عیبلاوی بیلن حبسگه آلینگن اېکن و خودی شو سبب طالبان تامانیدن تیرگاو آستیده آلینگن.
منبع‌لر آرتیق‌لشیچه، بو شخص‌لر سونگی ییللرده هیچ قنده‌ی حربی بیران فعالیت‌گه قۉل اورمه‌ی عادی حیات بیلن بند اېدی‌لر.
