افغانستانده منبعلرنینگ اۉزبېک تیوی گه تصدیقلشیچه، بوگون آقشمدن بیری اجتماعی صحیفهلر اینقسه فیسبوک و انستاگرامدن ایش آلیش معمالر بیلن دوچ بۉلگن.
ایریم منبعلر مخابراتی ترماقلر/سیمکارتلردن بۉلگن انترنت آرقهلی فیسبوک و انستاگرامگه کېریش و بو صحیفهلردن ایش آلیش قییندلشگن.
عینی حالده کابل شهریده وای فای انترنتدن ایش آلیب تورگن ایریم اهالی هلی اونچهلیک جدی معماگه دوچ کېلمهگنلرینی تاکیدلب، بیراق انترنت صفتی یامانلشگنینی بیلدیرهدیلر.
بو شوندی بیرحالده دیر که قندهار و قندوز ولایتلریده، انترنتلر کېسیب قۉییلیشی خصوصیده طالبان قرار قیلگنی هم خبر قیلینماقده دیر.
حاضرگچه طالباننینگ بو قراری خصوصیده تۉلیق معلومات یۉق دیر.
ایتش کېرهک که سونگی وقتلرده طالبان، افغانستانده انترنت و تۉلیق علاقهلرگه نسبتن جدی چیکلاولر یرهتیشگه اولگورماقده دیر. اوشبو اولگوریشلر دوامیده طالبان کمیده ۴۸ ساعت بوتونلهی انترنت و تۉلیق علاقهلرنی اوزیب قۉیدی.
