خلقارا یېتکیرمهلر تامانیدن نشر اېتیلگن خبرلرگه کۉره، حماس و اسراییل وکیللری غزهده آتیش-کېسین تامینلنیشی اوچون بیرینچی کېلیشووگه قۉل تاپکن.
امریکا قوشمه ایالتلری جمهور باشلیغی دونالد ترامپ، اسراییل باش وزیری بنیامین نتنیاهو، آتیش-کېسین سۉزلشوولری واسطهچیلری بۉلمیش تورکیه، قطر و مصر همده حماس گروهی اوشبو کېلبشوونی تصدیقلگن.
دونالد ترامپ بو مسالهنی اعلام قیلیب ایتیشیچه، یقینده یقین شرقده تینچلیک تامینلنیشی گواهی بۉلیشیمیز ممکن دیر.
ترامپنینگ آرتیقلشیچه، تیزلیکده حماس گروهی تامانیدن اسیرلر آزاد اېتیلهدی و اسراییل هم حربی کوچلرینی بیلگیلنگن مکانگه قدر آرتگه قیترهدی.
شونینگدېک اسراییل باش وزیری هم، بو کېلیشوونی تصدیقلب تیزلیکده بوتونلهی اسیرلر اویلریگه قیتیشینی بیلدیرگن.
عینی حالده حماس گروهی، امریکا جمهور باشلیغی و باشقه تامانلردن کېلیشووگه صادق قالیشلرینی سۉرهگن.
حماس گروهی و اسراییل اۉرتهسیدهگی بو کېلیشوو، غزه اوروشی بوتونلهی یکونلنیشی اوچون امیدلرنی یرهتگن. بو خصوصده مناسبت بیلدیرگن دنیا مملکتلری و خلقارا تشکیلاتلر آتیش-کېسین دواملی بۉلیشیگه امید بیلدیرگن.
