اسپانیانینگ مادرید شهریده اۉتکزیلیب تورگن «افغانستان عیاللری خلق محکمه‌سی»نینگ ایکینچی کونی‌ده هم بیر قنچه عیاللر و انسان حقلری بوزیلیشی قربانی بۉلگن کیشی‌لر محکمه‌گه حاضر بۉلیب، گواه‌لیک بېردی‌لر.
بو کون دوامی‌ده گواه‌لیک بېرگن عیاللر، افغانستان‌ده تجربه قیلگن طالبان چیکلاولر و باسیملری حقیده سۉزله‌دیلر.
افغانستان عیاللری خلق محکمه‌سی مجلسی‌ده گواه‌لیک بېرگن خاتین-قیزلر ایچیده، طالبان تامانیدن تورلی عیبلاولر بیلن حبسگه آلینگن بیر قنچه انسان حقلری فعاللری هم بار اېدی.
بو فعاللرگه کۉره، طالبان اولرنی ناراضلیک نمایش اۉتکزیش همده یالغیزلیکده سفر قیلیش عیبلاوی بیلن حبسگه آلیب، اولر بیلن یامان یانده‌شووده بۉلگن.
شونینگدېک بوگون عیاللر محکمه‌سی مجلسی‌ده گواه‌لیک بېرگن انسان حقلری فعاللری‌دن بیری هدا خموش، طالبان قماقخانه‌سیده اولر کلتک‌لنگنینی هم بیلدیردی.
عینی حالده بوگون مذکور مجلس‌ده قندهاردن بیر عیال، بو ولایتده عیال شفاکارلر یۉق‌لیگیدن شکایت قیلدی.
ایتیش کېره‌ک که حاضرگچه کمیده ۲۵ عیال بو محکمه‌ده طالبانگه قرشی شهادت بېرگن.
دیمک بو محکمه اېرته هم دوامی اېته‌دی و محکمه یکونی‌ده بیر بیانات نشر اېتیلیشی قرار قیلینگن.
