خلق‌ارا یېتکیرمه‌لر روسیه جمهورلیک ریاست سرایی یا ده «کرملین سرایی» معلوماتی‌گه اساسلنیب نشر قیلگن خبرلریگه کۉره، روسیه جمهور باشلیغی ولادیمیر پوتین، بو مملکت راکته‌لری میلادی ۲۰۲۴ – ییلی آذربایجان هوا یۉللری اوچاغی قوله‌شیگه سبب بۉلگنینی تصدیق‌لگن.
پوتین بو حقده آذربایجان جمهور باشلیغی الهام علی‌اف‌گه تفصیلات بېریب آرتیق‌لشیچه، روسیه تامانیدن اوکراین‌گه قرشی آتیلگن ایکی راکته‌نینگ پارتلشی، بو واقعه یوز بېریشی‌گه سبب بۉلگن.
دیمک مذکور اوچاق میلادی ۲۰۲۴ – ییلی دسمبر آیی‌نینگ ۲۵ –نچی کونی، قزاقستان‌ده قوله‌ب توشگن اېدی.
واقعه نتیجه‌سیده ۴۰ گه یقین کیشی جان بېرگنی معلوم قیلینگن.
ایتیش کېره‌ک که حاضرگچه روسیه جمهور باشلیغی، بو اوچاق قوله‌شیگه بو مملکت حربی امکانیت‌لری سبب بۉلگنینی آچیق بیرحالده تصدیق‌لگن اېمس اېدی.
