غزه‌ده آتیش-کېسین برقرار اېتیلیشی عرفه‌سیده، تورکیه جمهور باشلیغی رجب طیب اردوغان اسراییل‌گه نسبتن ایشانچسیزلیگینی اعلام قیلدی.
تورکیه جمهور باشلیغی ایکس صحیفه‌سیده یازگن بیاناتیده، اسراییل وعده‌لری اوستیده تورمه‌گنینی بیله‌میز دېب، آتیش-کېسین کېلیشووی بۉییچه برچه تامانلر بورچ‌لرینی بجریشینی تاکیدلدی.
اردوغان بوحقده یازیشیچه “البته بیز اۉتمیش‌ده اسراییل بېرگن وعده‌لریگه صادق قالمه‌گنلرینی بیله‌میز. بوندن کېین اونملی بۉلگن مساله کېلیشوو انیق عملگه آشیریلیشی دیر. امید که بو خصوصده برچه‌میز مسوولیت‌لی بۉلسه‌ک.”
عینی حالده تورکیه جمهور باشلیغی، غزه اهالیسی اوچون بۉلگن تورکیه انسان‌پرولیک یاردملری تیزلیک بیلن ییتیب باریشینی تاکیدلدی.
اردوغان‌نی تاکیدلشیچه، قیش موسومی ییتیب کېلمه‌ی غزه‌گه انسان‌پرورلیک یاردملری ییتکزیلیشی کېره‌ک دیر.
