تورکیه‌نینگ آنادولو یېتکیرمه‌سی تامانیدن نشر اېتیلگن خبرگه کۉره، بو مملکت جمهور باشلیغی رجب طیب اردوغان بویروغی اساسیده، تورکیه‌نینگ دولتی و نادولتی تشکیلات‌لریده، چیت‌ایللیک تورک مهاجرلر ایشگه آلینیشی بۉییچه قوله‌یلیک یره‌تیش قانونی عملگه آشیریله‌دی.
بو حقده نشر اېتیلگن خبرگه کۉره، تورکیه‌نینگ ۲۵۲۷ رقملی اوشبو قانونی رسمی جریده‌گه نشر اېتیلگن.
دیمک میلادی ۱۹۸۱ – ییل تصدیق‌لنگن اوشبو قانون نشر اېتیلیشی‌دن کېین عملگه آشیریلیشی معلوم قیلینگن اېدی.
ایتیش کېره‌ک که تورکی دولتلر تشکیلاتی دولت رهبرلری‌نینگ آذربایجان‌ده اۉتکزیلگندن سونگی ییغینی‌دن کېین، تورکیه حکومتی بو قانون‌نی عملگه آشیرماقده.
حاضرگچه بو قانون تورکی دولتلر تشکیلاتی‌گه اعضا بۉلمه‌گن مملکتلر جمله‌دن افغانستان‌دن بۉلگن تورک مهاجرلر اوچون قنچه‌لیک قوله‌یلیک یره‌تیشی ممکن بۉلگنی انیق بیللی اېمس.
