طالبان سۉزلاوچیسی ذبیح الله مجاهد، بوگون یکشنبه ۲۰ – میزان خبری بیر ییغین اۉتکزیب، پاکستان و طالبان چیگره کوچلری اۉرته‌سیده یوز بېرگن سونگی تۉقنه‌شوو حقیده تفصیلات بېردی.
طالبان سۉزلاوچیسی‌نینگ ادعا قیلیشیچه، اوشبو تۉقنه‌شوولرده پاکستان حربی کوچلری‌دن ۵۸ کیشی جان بېرگن و طالبان‌دن هم اېسه ۹ کیشی قربان بۉلگن.
شونینگدېک طالبان سۉزلاوچیسی بو تۉقنه‌شوولر نتیجه‌سیده اۉنلب کیشی یره‌لنگنینی هم معلوم قیلدی.
بونگه قوشیمچه طالبان سۉزلاوچیسی، اۉتگن کېچه تۉقنه‌شوولر دوامی‌ده ۲۰ دن آرتیق پاکستان پوسته‌لری باسیب آلینگنینی هم معلوم قیلدی.
طالبان سۉزلاوچیسی‌گه کۉره، بو تۉقنه‌شوولر اۉتگن یریم کېچه قطر و باشقه بیر قنچه مملکتلر طلبی اساسیده تۉخته‌تیلگن.
عینی حالده طالبان سۉزلاوچیسی، داعش گروهی پاکستان تامانیدن قوللب-قوتلنگنینی ادعا قیلیب، بو گروه‌نینگ مرکزلری خیبرپختونخواه‌ده بارلیگینی بیلدیردی.
ذبیح الله مجاهدنینگ ادعا قیلیشیچه، پاکستان اۉزی همده باشقه بیر قنچه مملکتلرنینگ استخباراتی مقصدلری اساسیده، داعشنی قوللب-قوتله‌یدی تا افغانستان و منطقه باشقه مملکتلری برقرارلیگینی بوزسه.
دیمک طالبان سۉزلاوچیسی بو ییغین‌ده، طالبان تامانیدن افغانستان هوا حدودلری بوزیلگن تقدیرده بو گروه جواب قیتریش‌گه تیار دېب آگاه‌لنتیردی.
ایتیش کېره‌ک که اۉتگن کېچه، افغانستان و پاکستان اۉرته‌سیده‌گی چیگره حدودلر جدی تۉقنه‌شوولرگه گواه اېدی.
