طالبان تشقی ایشلر وزیری امیرخان متقی، هندوستان‌ده بۉلگن رسمی تشریفی دوامی‌ده، عیال ژورنالیست‌لر حضوریده، خبری ییغین اۉتکزیشده مجبور بۉلدی.
دیمک طالبان تشقی ایشلر وزیری بوندن ایلگری عیال ژورنالیست‌لر حضوری تقیق‌لنگن بیرحالده خبری ییغین اۉتکزگنی هندوستان‌ده کینگ تنقیدلرگه سبب بۉلگن اېدی.
هندوستان‌ده عیاللر حقلری فعاللری و بو مملکت پارلمان اعضالری‌نینگ بو خصوصده بۉلگن کینگ تنقیدلری آرتیدن، طالبان تشقی ایشلر وزیری ینه بیربار خبری ییغین اۉتکزیب، عیال ژورنالیست‌لر حضوریگه هم زمینه یره‌تیشگه مجبور بۉلدی.
اوشبو خبری ییغین‌ده، طالبان تشقی ایشلر وزیری بو حاکمیت تامانیدن قیزلر اۉقیشی تقیق‌لگنی خصوصیده صحبت قیلیب، کابلده قیزلر اۉقیشی‌گه نسبتن قرشی‌لیک یۉق دېب ادعا قیلدی.
طالبان تشقی ایشلر وزیری‌نینگ اورغوله‌شیچه، قیزلر اۉقیشی بوتونله‌ی تقیق‌لنگن اېمس و ایکینچی بویروغگه قدر اوشبو چیکلاو یره‌تیلگن دیر.
شونینگدېک هندوستان‌ده افغانستان ایلچی‌خانه‌سیده اۉتکزیلگن بو خبری ییغین‌ده، طالبان تشقی ایشلر وزیری، هندوستانلیک رسمی‌لر بیلن ایکی تامانلمه مناسبت‌لر و همکارلیکلر حقیده صحبت‌لشگنینی هم معلوم قیلدی.
