تورکیه و سوریه‌نینگ یوقاری مرتبه‌لی رسمی‌لری اۉرته‌سیده اوچره‌شوو بۉلیب اۉتگنی خبر قیلیندی.
بو حقده نشر اېتیگلن خبرلرگه کۉره، اوچره‌شووده تورکیه تشقی ایشلر وزیری خاقان فیدان، مدافعه وزیری یاشار گولر و بو مملکت استخبارات تشکیلاتی‌نینگ باشلیغی ابراهیم کالین حضوری بارگن.
شونینگدېک اوچره‌شووده سوریه تامانیدن هم، بو مملکت تشقی ایشلر وزیری اسعد حسن الشیبانی، مدافعه وزیری مرحف ابو قصرا و استخبارات اداره‌سی باشلیغی حسین سلمه اشتراک قیلگن.
تورکیه پایتختی انقره شهریده اۉتکزیلگن بو اوچره‌شووده، خوفسیزلیک مساله‌لری بۉییچه ایکی تامانلمه همکارلیکلر محاکمه قیلینگن.
ایتیش کېره‌ک که تورکیه، سوریه‌نینگ وقتینچه‌لیک حکومتینی تورلی ساحه‌لرده قوللب-قوتلب کېلماقده دیر.
