طالبان صناعت و سودا وزیرلیگی بوگون دوشنبه ۲۱ – میزان بیر بیانات نشر قیلیب خبر بېریشیچه، قزاقستان‌نینگ چمکنت شهریده «افغان-قزاق کۉرگزمه‌سی» عنوانی آستیده، آلتی کونلیک کۉرگزمه اۉتکزیله‌دی.
دیمک اوشبو کۉرگزمه عقرب آیی‌نینگ ۳ – سیدن ۸ – سیگه قدر اۉتکزیلیشی ریجه‌لشتیریلگن.
کۉرگزمه دایره‌سیده، طالبان و قزاقستان دولت رسمی‌لری اۉرته‌سیده سودا ییغینی هم بۉلیب اۉتیشی معلوم قیلینگن.
طالبان صناعت و سودا وزیرلیگی تامانیدن نشر اېتیلگن بیانات‌گه کۉره، بو کۉرگزمه «افغان-قزاق» کۉرگزمه‌سی‌نینگ اوچینچی دوری بۉلیب، تورلی غرفه‌لرده افغانستان ایچکی محصولاتلری نمایش اېتیله‌دی.
چمکنت شهریده اۉتکزیلیشی ریجه‌لشتیریلگن اوشبو کۉرگزمه‌ده، نمایش اېتیلیشی ریجه‌لشتیریلگن افغانستان محصولاتلری، قۉل صناعتی، قالین، ایکینچیلیک محصولاتلری و شونگه اوخشش باشقه ایچکی محصولاتلردن عبارت دیر.
