طالبان سوو و برق وزیرلیگی بیر بیانات نشر قیلیب ایتیشیچه، فاریاب ولایتیده چوقور قودوق‌لر قازیلیشی آلدی آلینگن.
بو حقده طالبان سوو و برق وزیرلیگی تامانیدن نشر اېتیلگن بیانات‌گه کۉره، المار و خواجه‌سبزپوش اولسواللیکلریده، مذکور قودوق‌لر قازیلیشی آلدی آلینگن.
طالبان بو ولایتده چوقور قودوق قازه‌یاتکن اهالی‌دن، قودوق قازیش اوچون رسمی رخصت آلیش‌لری کېره‌ک دېب بیلدیرگن.
ایتیش کېره‌ک که سونگی ییللرده، ییر آستی سوولری قویی کېتگنی و سوو منبع‌لری قوریشی، اهالینی چوقور قودوق‌لرنی قازیش‌گه مجبورلنتیرگن.
طالبان شوندی بیرحالده بو قودوق‌لر قازیلیشی آلدینی آلماقده دیر که فاریاب ولایتیده، سوو آزلیگی معماسی هر ییل اوتیشی بیلن جدی‌لشیب بارماقده دیر.
اوشبو معماگه ییچیم تاپیش مقصدیده حاضرگچه تېگیشلی اداره‌لر تامانیدن اعتبار قره‌تیلمه‌گن و دهندره سوو توغانی لایحه‌سی کبی بو ساحه‌ده‌گی ییریک لایحه‌لر هم قانقرلی سبب‌لر بۉلمه‌گن بیرحالده تۉخته‌تیلیب قۉییلگن.
