امریکا قوشمه ایالتلری‌نینگ جمهور باشلیغی دونالد ترامپ، شرم الشیخ ییغینی‌دن ایلگری اسراییل باریب، اسراییل جمهور باشلیغی اسراییل هرتزوک و باش وزیری بنیامین نتنیاهو تامانیدن قیزغین کوتیب آلینگن.
ترامپ مصرده غزه تینچ‌لیگی خصوصیده بۉلگن ییریک بیر ییغین‌دن ایلگری، اسراییل‌گه باریب، بو مملکت رسمی‌لری بیلن اوچره‌شماقده دیر.
دېیرلی ترامپ و اسراییل یوقاری مرتبه‌لی رسمی‌لری، مصرنینگ شرم الشیخ شهریده بوگون دوشنبه ۲۱ – میزان اۉتکزیلیشی ریجه‌لشتیریلگن ییغین خصوصیده بحث قیلیشی ممکن دیر.
اوشبو ییغین‌ده، غزه اوروش تامانلری بۉلمیش اسراییل و حماس گروهی چقیریلگن اېمس.
ییغین امریکا و مصر دولت رهبرلری ییتکچیلیگیده، دنیا بویلب کمیده ۲۰ مملکت دولت رهبرلری اشتراکیده اۉتکزیله‌دی.
شرم الشیخ تینچ‌لیک ییغینی‌ده، غزه‌ده تینچ‌لیک تامین‌لنیشی شونینگدېک منطقه خوفسیزلیگی و برقرارلیگی خصوصیده فکر المشتیریلیشی ریجه‌لشتیریلگن.
