حماس گروهی اسراییل‌لیک ۲۰ اسیرنی تیریک تاپشیردی و بو اسیرلر خلق‌ارا قیزیق خاچ اداره‌سی تامانیدن اسراییل‌گه ییتکزیلگن.
دیمک بو اسیرلر غزه‌ده آتیش-کېسین تامین‌لنیشی مقصدیده آزاد اېتیلگن و اولر برابریده اسراییل تامانیدن ۲۰۰۰ فلسطین‌لیک اسیر آزاد اېتیلیشی کوتیله‌دی.
اسراییل اسیرلرینی برچه‌سینی تیریک تسلیم آلگنینی بیلدیرگن بۉلسه‌ده، بو تامان غزه‌ده هم مسووللر فلسطین‌لیک اسیرلرنی کوتیب آلیش اوچون تیارگرلیک کۉره‌یاتکنلرینی اعلام قیلدی.
اسراییل‌لیک بو اسیرلر، آتیش-کېسین کېلیشووی اساسیده، امریکا جمهور باشلیغی دونالد ترامپ‌نینگ اسراییل‌ده‌گی تشریفی چاغیده آزاد اېتیلیب، عایله‌لریگه قوشیلدی.
دیمک بو کېلیشوو ترامپ ریجه‌سی اساسیده قۉلگه کېلگن و شو کېلیشوو خصوصیده مصرنینگ شرم الشیخ شهری ییریک بیر ییغین‌دن میزبان‌لیک قیلماقده دیر.
شرم الشیخ ییغینی‌ده، امریکا جمهور باشلیغی‌گه قوشیمچه دنیا بویلب کمیده ۲۰ مملکت اشتراک اېتیب غزه تینچ‌لیک هم یقین شرق حدودی‌نینگ برقرارلیگی خصوصیده فکر المشتیره‌دیلر.
