پاکستان مدافعه وزیری خواجه محمدآصف، طالبان و پاکستان اۉرته‌سیده قرمه-قرشی‌لیکلرنی جدی بیان قیلیب، ایکی تامان آره‌سیده اوروش، هر لحظه‌ده قیته باشلنیشی ممکن دېب اعلام قیلدی.
پاکستان مدافعه وزیری بو مملکت‌نینگ «جیونیوز» یېتکیرمه‌سی بیلن بۉلگن صحبتیده، بو مساله‌نی تاکیدلب، حاضر پاکستان و طالبان اۉرته‌سیده هیچ قنده‌ی تۉغری و ناتۉغری علاقه یۉق دېب بیلدیردی.
شونینگدېک پاکستان مدافعه وزیری، حاضر چیگره‌ده حدودلرده اوروش تۉخته‌تیلگنینی معلوم قیلیب، بیراق بو تینچ‌لیک احوال هر لحظه‌ده بوزیلیشی ممکن‌لیگینی هم گمان‌دن تشقری بیلمه‌دی.
ایتیش کېره‌ک که پاکستان و طالبان مناسبتی، سونگی کونلرده اینگ یامان حالت‌نی باش‌دن کېچیرماقده دیر.
اوشبو وضعیت دایره‌سیده، ایکی تامان چیگره کوچلری اۉرته‌سیده کینگ تۉقنه‌شوولر یوز بېردی. معلومات‌لرگه کۉره، بو تۉقنه‌شوولرده ایکی تامان‌دن اۉنلب کیشی اۉلیب و یره‌لنگن.
اوشبو قرمه-قرشیلیکلر دوامیده، پاکستان سیاسی حزب‌لریدن بیری تامانیدن بوگون اویوشتیریلگن هجوم پاکستان پولیس کوچلری‌نینگ زوره‌وانلیگی بیلن دوچ کېلیب، ۱۳ کیشی جان بېردی و اۉنلب کیشی هم یره‌لندی.
طالبان سۉزلاوچیسی ذبیح الله مجاهد، بو واقعه‌گه نسبتن مناسبت بیلدیریب، پاکستان حکومتی‌دن ایچکی جنجللرینی سۉزلشوو آرقه‌لی حل اېتیشینی طلب قیلدی.
طالبان بو اره‌لشووی اېسه، پاکستان واکنش‌گه سبب بۉلیب، پاکستان طالبان‌گه چیت‌ایللیک مصلحتچی‌گه احتیاجی‌میز یۉق دېب بیلدیردی.
شونینگدېک پاکستان حکومتی، طالبان‌دن بیرینچی بۉلیب افغانستان ایچکی مساله‌لریگه ییچیم-یۉل تاپیشگه اعتبا قره‌تیشینی سۉره‌دی.
