ایریم یېتکیرمه‌لر تامانیدن نشر اېتیلگن خبرلرگه کۉره، هلمند ولایتی اهالیسی‌دن ۷ یاش-ییگیت پاکستان چیگره کوجلری تامانیدن اۉققه توتیلیب اۉلدیریلگن.
پاکستان چیگره کوچلری، بو یاش-ییگیتلرنی پاکستان‌گه ناقانونی اوته‌یاتکن چاغلریده اۉققه توتیب اۉلدیرگن.
حاضرگچه بو مساله رسمی تصدیق‌لنگن اېمس. شونینگدېک بو حقده نشر اېتیلگن خبرلرده، مذکور یاش-ییگیت‌لرنینگ کیم‌لیگی هم انیق‌لنگن اېمس.
ایتیلیشیچه اوشبو واقعه، اۉتگن کون دوشنبه ۲۱ – میزان هلمند ولایتیده‌گی بهرامچه چیگره‌سی یقین‌لریده یوز بېرگن.
اوشبو واقعه طالبان و پاکستان مناسبتی یامانلشگن بیرحالده یوز بېرگنی خبر قیلینماقده دیر.
طالبان و پاکستان مناسبتده‌گی بو آغیر احوال سبب، سونگی کونلرده چیگره حدودلر خوفسیزلیگی جدی بیرحالده یامانلشگن.
شونینگدېک طالبان و پاکستان چیگره کوچلری اۉرته‌سیده ایکی کیچه ایلگری، کینگ تۉقنه‌شوولر یوز بېریب، ایکی تاماندن اۉنلب کیشی اۉلیب و یره‌لنیشیگه سبب بۉلدی.
