سونگی کونلرده هندوستان، طالبان تشقی ایشلر وزیری امیرخان متقی‌نی قیزغین کوتیب آلیب، بو حاکمیت بیلن مناسبت‌لرینی یخشی‌لنتیریشده اولگوریشیگه گواه اېدیک.
طالبان تشقی ایشلر وزیری‌نینگ هندوستان‌گه بۉلگن سفری اساسی بیر بۉلیمی «دیوبندی» مدرسه‌سیدن کۉریب چیقیشی و بو مدرسه طلبه‌لری تامانیدن قیزغین کوتیب آلینگنی اېدی. بو واقعه‌لرنی نظرده توتکن حالده، بیلیم یورت اۉقیتووچیسی و سیاسی فعاللردن عالیه ییلماز، حاضرگی شرایط‌ده هندوستان‌ده بابری‌لر سلاله‌سی‌نینگ اساسچیسی ظهیرالدین محمدبابر سیاستی و اونینگ کتابی «بابرنامه»گه اعتبار قره‌تیلیشی کېره‌ک دېب یازگن.
عالیه ییلماز تورکیه‌نینگ «آق‌سرای بیلیم یورتیده» تورک-اسلام سیاسی تفکری کنفرانسی‌نینگ اوچینچی دور ییغینی‌ده «بابرنامه سیاسی و تاریخی خاطره‌دن بیر متن» ناملی مقاله‌سی بیلن اشتراک اېتگنیدن خبر بېریب، هندوستان طالبان بیلن یقین‌لشیب باره‌یاتکن بیر شرایط‌ده، بابرنامه قیته کۉریب چیقیلیشینی تکلیف قیلگن.
خانم ییلماز بو حقده یازیشیچه “هندوستان دیوبندی مدرسه‌لری اساسیده شکل‌لنگن ایدیولوژیک غایه‌لر و طالبان تۉغری‌دن تۉغری و یا هم بالواسطه قوللب-قوتلنیشی کوچه‌یگن بیر شرایط‌ده، اویله‌یمیز بابرنینگ هندوستان‌ده‌گی میراثی، مدنیت‌لیک، عدالت‌گه اساسلنگن و انسان‌پرورلیک تمایللری بیلن قیته کۉریب چیقیلیشی اونملی بیر قدم دیر.”
ییلماز بو یازووی‌ده، ظهیرالدین محمدبابر تفکری تاریخی بیر سیما اوله‌راق، حاضر هم سیاسی و فرهنگی گفتمان‌لر اوچون مهم بیر منبع بۉلیشی ممکن دېب بیلدیرگن.
