پاکستان حکومتی طالبان بیلن حاضرگی مناسبتلرینی هیچ قچان کوتمه‌گن اېدی. اوزاق ییللر طالبان‌نی اۉز توپراغیده جای بېریب و بو گروه‌نی قوللب کېلگنی ادعا قیلینگن بو مملکت، سۉنگّی کونلرده اوشبو سیاستی‌دن کوتیلمه‌گن حاصل آلماقده.
اۉتگن کون پاکستان مدافعه وزیری خواجه محمدآصف، طالبان بیلن حاضر هیچ قنده‌ی مناسبت یۉق‌لیگینی بیلدیریب، بو یېتیشمه‌گندیک هر لحظه ایکّی تامان حربیلری بیر-بیراویگه قرشی اوروش‌نی باشله‌شی گمان‌دن تشقری اېمس دېب اعلام قیلدی.
دېیرلی بو پاکستان اوچون کتّه شکست اېدی و اوشبو شکست بوندن کېین کۉپراق کېنگه‌یشی هم ممکن دیر.
پاکستان ییللر، طالبان‌نی قوللب-قوتله‌دی و بو گروه حاکمیت‌گه قیتگنیدن کېین هم ایلک مملکت اوله‌راق دیپلوماتیک مناسبت‌لرنی طالبان حاکمیتیده‌گی افغانستان بیلن دوام بېردی و پاکستان‌لیک رسمی‌لر درحال طالبان حاکمیتی اوچون خلق ارا ییغین‌لرده لابی‌گرلیک‌نی باشلب، دنیا مملکتلرینی بو حاکمیت بیلن علاقه قوریشگه چقیردی.
طالبان بو یانده‌شووی‌دن اساسی مقصد، افغانستان‌ده اۉزی خواهشی‌گه اساس بیر حاکمیت بۉلیشی و شو بیلن اۉزی‌نینگ اوزاق مدت‌لی منفعت‌لریگه اېریشیش اېدی. پاکستان بو استراتیژیسیده هندوستان‌نینگ افغانستانده‌گی نفوذینی بوتونله‌ی یۉق اېتیش کوچلی موجود اېدی.
کۉرینیشیچه پاکستان بو یانده‌شوویده، بیر نرسه‌گه اونچه‌لیک اعتبار قره‌تمه‌گن اېدی. اوشبو مساله بو دیر که «طالبان اسلامگرا بیر گروه بۉلگنی بیلن بیرگه، جدی قومی ایدیولوژیک‌نی ایزله‌یدی.» شو سبب، پاکستان طالبان‌نی مذهبی توشینچه‌سینی باشقیریشی ممکن اېدی. بیراق قومی و پشتونوالی توشینچه‌سی پاکستان باشقیروویدن تشقری اېدی.
طالبان قومی و پشتونوالی توشینچه‌سینی نه‌فقط افغانستان ایچیده، عملگه آشیریشده اولگورماقده دیر بلکه پاکستان حکومتی‌دن بۉلگن بو مملکت پشتون‌لری‌نینگ ناراضلیکلریدن فایده‌لنگن حالده، اولر اوچون سیاسی بیر تقدیر تعیین‌لنیشی و حتی پاکستان حکومتی‌گه قرشی قوزغلان‌گه تیارلماقده. بو مساله‌نی طالبان افغانستان‌ده حاکمیت‌گه کېلگنی آرتیدن، پاکستان طالبان تحریکی یا ده «تی‌تی‌پی» گروهی آلگن روحیه و شو روحیه اساسیده بو گروه‌نینگ هجوملری پاکستان حکومتی‌گه قرشی کېنگه‌یشیدن کېلیب چیقیب ایتیش ممکن.
بو شرایط اساسی غالبی هندوستان اېدی دېب ایتیشی‌میز هم ناتۉغری اېمس دیر. چونکه اساسی رقیبی بۉلمیش پاکستان افغانستان‌ده مقصدلریگه اېریشه آلمه‌دی و افغانستان‌ده هندوستان نفوذی یۉق اېتیلمه‌دی بلکه سۉنگّی کونلرده طالبان هندوستان بیلن یقینلشماقده. بو اېسه پاکستان تامانیدن ییللر سرمایه کېریتیلیب تیارلنگن افغانستان حاکمیتی قوله‌یلیک بیلن هندوستان صفی‌گه اۉتیشی دیر که هندوستان اوچون کتّه یوتوق حسابلنیشی ممکن دیر.
پاکستان شونده‌ی بیرحالده، طالبان‌دن قۉلی اوزیلماقده دیر که بو مملکت، طالبان‌گه نسبتن ایشله‌تیش اوچون اونچه‌لیک کتّه باسیمگه هم اېگه بۉلمه‌گنی کۉرینه‌دی. حاضر پاکستان افغانستان‌نینگ چپی‌لر حکومتی برابریده ایش آلگن جهادی حزب‌لر کبی افغانستان‌لیک جریانلر اختیاریده اېمس. چونکه بو جریانلرنینگ رهبرلری پاکستان‌ده پناه آلگن سبب بۉلدی تا بو مملکت طلبی‌گه اساس، افغانستان‌ده فعالیت قیلسه یا هم افغانستان‌نینگ جمهوریت تیزیمی برابریده‌گی دیک طالبان کبی بیر گروه رهبرلری پاکستان‌ده پناه آلگنی یۉق تا بو مقصدی اوچون ایش آلسه.
حاضر پاکستان‌ده طالبان‌گه قرشی هیچ قنده‌ی کوچلی بیر گروه موجود اېمس تا طالبان‌گه قرشی ایشله‌تیب و باسیم اۉتکزیش‌ده فایده‌لنسه. بو اېسه پاکستان، طالبان‌گه نسبتن بیراز قۉلی اوزیلگنینی کۉرسهتَدی.
پاکستان شونی‌سیگه هم شکر قیلیشی کېره‌ک که حاضر بو مملکت‌نینگ تۉرت ییل ایلگری بۉلگن لابی‌گرلیکلری نتیجه بېریب، طالبان دنیا مملکتلری تامانیدن رسمیت‌گه تَن آلینمه‌گن. شونده‌ی بۉلگنده حاضر پاکستان دنیا مملکتلری آلدیده هم طالبان‌گه قرشی باسیم کېلتیریش اوچون اونچه‌لیک قۉلی قیسقه کېلگن بۉلر اېدی. چونکه افغانستان‌ده رسمیت‌گه تانیلگن بیر حکومت بیلن دوچ اېدی. شونده‌ی اېکن پاکستان حاضر، طالبان‌گه قرشی خلق ارا دیپلوماسی‌ده قۉلی اوزون، بو یېر میدان‌ده اېسه طالبان، پاکستان اختیاریدن کېتگن و رقیبی هندوستان بو شرایط‌دن فایده‌لنیب، طالبان بیلن یقینلشماقده و هندوستان اېسه طالبان آرقهلی «تی‌تی‌پی» کبی گروه‌لرنی ناتۉغری قوللب-قوتلب پاکستان‌گه اساسی ضربه اوریشی هم ممکن دیر.
پاکستان شونده‌ی بیرحالده بوگونلر افغانستان‌گه نسبتن سیاستی‌ده ناکاملیکلرنی تجربه قیلماقده دیر که بو مملکت آزگینه تاریخیده، افغانستان مساله‌سیگه اره‌لشیش اوچون روایت یره‌تیشده کۉپ موفق عمل قیلگن و شو موفقیت اساسیده، افغانستان حکومتلریگه قرشی گروه‌لر ایجاد اېتیلگن. شوندی اېکن کېله‌جکلرده پاکستان ینه هم بیران روایت‌لر اساسیده، ینگی باسیم تنلاولرینی یره‌تیشی ممکن دیر.
