طالبان عامه منفعت‌لر وزیرلیگی‌نینگ سۉزلاوچیسی محمداشرف حق‌شناس بوگون سه‌شنبه ۲۲ – میزان بیر بیانات نشر قیلیب، سالنگ عمومی قتناو یۉلی هر قنده‌ی باریب-کېلیش یوزیگه یاپیلیشی‌دن خبر بېردی.
بو حقده نشر اېتیلگن بیانات‌گه کۉره، سالنگ عمومی قتناو یۉلی قیته قوریلیش ایشلری عملگه آشیریلیشی اوچون ۲۷ – میزان‌دن ۶ – عقرب‌گه قدر باغلنه‌دی.
طالبان عامه منفعت‌لر وزیرلیگی، اوشبو مدت جریانیده یۉلاوچیلر بامیان و دوشی یۉللریدن باریب-کېلیش‌لرینی تکلیف قیلگن.
ایتیش کېره‌ک که اوچ ییل‌دن بیری، طالبان سالنگ عمومی قتنا یۉلینی قیته قوریش اوچون اولگورماقده دیر.
حاضرگچه اهالی‌دن میلیاردلب پول ییغیلگن بۉلسه‌ده، بیراق یۉل هلی توزالگن اېمس.
