اوکراین جمهور باشلیغی ولادیمیر زیلینسکی‌نینگ اعلام قیلیشیچه، روسیه حربی‌لری تامانیدن اوکراین‌گه قرشی ینه بیر جدی هجوم اویوشتیریلگن.
ایتیلیشیچه روسیه، ینگی بو هجوملریده کمیده ۹۷ دُرون‌دن فایده‌لنیب، اوکراین‌نینگ تورلی حدودلرینی نشان‌گه آلگن.
اوکراین جمهور باشلیغی روسیه بو هجوملریده، برق آست-قورمه‌لری، کسلخانه‌لر و تینچ اهالی‌نینگ یشش بنالرینی نشان‌گه آلینگنینی معلوم قیلدی.
اوشبو هجوملر شوندی بیرحالده اویوشتیریلماقده دیر که کېله‌سی جمعه کونی، ولادیمیر زیلینسکی امریکاگه سفر قیلیشی ریجه‌لشتیریلگن.
اوکراین جمهورباشلیغی بو سفری دایره‌سیده، امریکا جمهور باشلیغی دونالد ترامپ و بو مملکت‌نینگ قورال ایشلب چیقارووچی کمپنیه‌لری مسووللری بیلن اوچره‌شیشی ریجه‌لشتیریلگن.
