پاکستان و طالبان چیگره کوچلری اۉرته‌سیده اۉتگن آقشم قیته باشلنگن تۉقنه‌شوو، طالبان حربی‌لری تامانیدن اویوشتیریلگنی خبر قیلیندی.
پاکستان‌لیک یېتکیرمه‌لر بو مملکت رسمی‌لری معلوماتی‌گه اساسلنیب نشر قیلگن خبرلریده ادعا قیلیشیچه، مذکور هجوملر طالبان و تی‌تی‌پی بیلن بیرگه اویوشتیریلگن.
عینی حالده بوگون اېرته‌لب قندهار ولایتی اسپین بولدک تومنی چیگره حدودلریده هم ایکی تامان آره‌سیده تۉقنه‌شوو باشلنگنی خبر قیلیندی.
دیمک اۉتگن آقشم خوست ولایتی‌نینگ زازی میدان تومنی‌ده واقع چیگره حدودلرده، ینه بیربار پاکستان و طالبان چیگره کوچلری اۉرته‌سیده تۉقنه‌شوو باشلنیب و کېچه بیرمحل‌گچه دوام اېتگن اېدی.
حاضرگچه اوشبو تۉقنه‌شوولر نتیجه‌سیده اۉرته‌گه کېلگن قربانلیکلر حقیده تۉلیق تفصیلات بېریلگن اېمس.
پاکستان رسمی‌لری تۉقنه‌شوو نتیجه‌سیده، طالبان‌نینگ تۉرت حربی بَزه‌سی یۉق اېتیلگنینی ادعا قیلگن.
ایتیش کېره‌ک که بو تۉقنه‌شوولر، طالبان و پاکستان‌نینگ مناسبتی یامان‌لشگن بیر وضعیت یوز بېرماقده دیر.
