بیرلشکن ملتلر تشکیلاتی‌نینگ باش کاتبی آنتونیو گوتریش، دنیا بویلب اهالی آره‌سیده آچ‌لیک معماسی جدی بیرحالده دوام اېته‌یاتکنیدن خواطر بیلدیردی.
گوتریش بوگون پنجشنبه ۲۴ – میزان اېرته‌لب نشر قیلگن بیاناتیده، بو مساله خصوصیده خواطر بیلدیرگن.
بیرلشکن ملتلر تشکیلاتی باش کاتبی «خلق‌ارا آزیق-آوقت کونی» مناسبتی نشر قیلگن اوشبو بیاناتیده، هلی هم دنیاده ۶۷۳ میلیون انسان آچ‌لیک احوالده بۉلگنیدن خبر بېردی.
آنتونیو گوتریش بو معماگه ییچیم تاپیلیشی مقصدیده، دنیا مملکتلری بیر بیراوی بیلن جدی همکارلیکده بۉلیش‌لری شرط دېب بیلدیرگن.
ایتیش کېره‌ک که سونگی ییللرده، دنیا بویلب خوفسیزلیک وضعیتی جدی‌لشگنی آرتیدن آچ‌لیک احوالی هم جدی بیر معماگه اَیلنگن.
خلق‌ارا تشکیلات‌لر تامانیدن نشر اېتیلگن معلومات‌لر اساسیده، افغانستان جمعیتی‌دن کمیده یریمی هم آچ‌لیک وضعیتده دیر. شو سبب افغانستان بو معمادن کۉپراق اذیت چیکه‌یاتکن مملکتلردن بیری تانیله‌دی.
