غزه‌ده ایکی ییل قانلی اوروش‌دن کېین تامین‌لنگن آتیش-کېسین کېلیشووی بیر نیچه کون‌دن بیری دوام اېتر اېکن، سونگی کونلرده بو کېلیشووگه ضد حرکتلر و آگاه‌لنتیریشلر یوز بېرماقده دیر.
بو وضعیت دوامی‌ده، اسراییل رسمی‌لری کېلیشووگه ضد هر قنده‌ی بیر فعالیت بجریلگن تقدیرده، اوروش قیته باشلنیشی‌دن آگاه‌لنتیرگن.
دیمک اسراییل و حماس اۉرته‌سیده، اۉتگن ایکی ییل دوامی‌ده جان بېرگن اسراییل‌لیک اسیرلر پیکرلری تاپشیریلیشی خصوصیده ایریم قرمه-قرشی‌لیکلر اۉرته‌گه کېلگن.
حماس حاضرگچه آلتی جسدنی تاپشیرگن. بیراق کۉپراق جسدلر تاپیلیشی اوچون رواجلنگن امکانیت‌لر و اوسکونه‌لرگه احتیاجی بارلیگینی بیلدیرگن.
اسراییل اېسه آتیش-کېسین کېلیشووی بوتونله‌ی عملگه آشیریلیشی اوچون اوشبو جسدلر تیزلیک بیلن تاپیلیشیگه تاکید قیلماقده دیر.
اسراییل بو اولگوریش‌لری دوامی‌ده، بوندن ایلگری بو مملکت رفح چیگره‌سی باغلنیشی‌دن آگاه‌لنتیرگن اېدی. حاضر اسراییل مدافعه وزیری اسراییل کاتز کېلیشوو بوتونله‌ی عملگه آشیریلمه‌گن تقدیرده، هجوملر قیته باشلنیشی‌دن آگاه‌لنتیرگن.
بو آگاه‌لنتیریشیچه شوندی بیرحالده دیر که غزه تینچلیک کېلیشووی، اسراییل‌نینگ اساسی حامی‌سی بۉلمیش امریکا قوشمه ایالتلری شونینگدېک تورکیه، مصر و قطر اۉرته‌سیده امضالنگن.
