2026ییلده اۉزبېکستان ایتالیا‌ده ایشگه جایلشتیریش اوچون 3500 نفر اۉرته طبیات خادیمینی تیارلیدی. پیلات لایحه الّه‌قچان باشلندی تاشکېنت و سمرقنددن 10 نفر متخصص ایتالیا کلینیکلریده ایش باشله‌دی، اولر تیلنی اۉرگنه‌دی و محلي ساغلیقنی سقلش تیزیمیگه ماسلشه‌دی.
اۉزبېکستان‌ده 2026-ییلده ایتالیا‌ده ایشلش اوچون 3،5 مینگ نفر اۉرته طبیات خادملری تیارلنیشی رېجه‌لشتیریلماقده، دېب خبر بېردی میگره‌تسيه خبرگزارلیگی.
پیلات لایحه دایره‌سیده تاشکېنت و سمرقند شهرلریدن تنلب آلینگن 10 نفر اۉرته طبیات خادملری تیلگه تیارگرلیکسیز سیناو طریقه‌سیده یوقاری معاشلی 3 آیلیک ایش فعالیتینی ایتالیا‌ده باشله‌دی. اولر ایش جریانیده ایتالیا تیلینی اۉرگنیش همده محلي طبیات تیزیمیگه ماسلشیش امکانیتلرینی اۉرگنه‌دی.
پیلات دستورنینگ اساسي مقصدی اۉزبېکستان و ایتالیا طبیات تیزیملری اۉرته‌سیده‌گی فرقلرنی تحلیل قیلیش، ایش اصوللرینی تقاسلش و کېلگوسیده ثمره‌لی انتیگراسیون‌نی تأمینلشدن عبارت. شونینگدېک، ایتالیا تیلیگه کۉنیکمه و ایشگه ماسلشیش دورینی بېلگیلش امکانینی بېره‌دی.
ایتالیا‌لیک متخصصلر اۉز نوبتیده اۉزبېکستانلیک طبیات خادملری مله‌که‌سینی بهالیدی. سیناو طریقه‌سیده یوباریلگن ایلک گروه اۉزبېکستان‌گه قَیتگنیدن سۉنگ، کسب خصوصیتیدن کېلیب چیقیب، همکارلیکده مخصوص اۉقوو دستوری ایشلب چیقاله‌دی و کېینچه‌لیک ایتالیا‌ده ایشلش ایسته‌گینی بیلدیرگن 3500 نفر اۉرته طبیات خادملری شو دستور اساسیده اۉزبېکستان‌ده اۉقیتیلیب، ایتالیا‌ده ایشگه جایلشتیریله‌دی.
لایحه می آییده ایتالیا باش وزیری جارجه مېلانی نینگ اۉزبېکستان‌گه تشریفی چاغیده میگره‌تسيه و حرکتلنیش اېرکینلیگی ساحه‌سیده همکارلیک تۉغریسیده بیتیم امضالنگنیدن سۉنگ باشلندی. شونینگدېک، جون آییده جمهور رییس شوکت میرضیایف و ایتالیا نینگ لامبرديه ولایتی گوبېرناتوری اتتیلیا فانته‌نه ایکّی دولت حدودلری اۉرته‌سیده کېنگ قمراولی همکارلیکنی رواجلنتیریش و قۉللب-قوّتلش مسأله‌لرینی بحث قیلدی.
ایتالیا‌گه خدمت سفری دایره‌سیده میگره‌تسيه اگېنتلیگی رهبریتی لامبرديه گوبېرناتوری، ایتالیا ساغلیقنی سقلش وزیری گویدا بېرتالزا، شونینگدېک، بیر قطار اداره و کمپنیلر وکیللری بیلن مذاکره‌لر اۉتکزدی. اوچره‌شوولر یکونیده محنت میگره‌تسيه‌سی ساحه‌سیده بېش ییللیک همکارلیک رېجه‌سی توزیلدی.
اۉزبېکستانلیک نرسلر اوچون، کېین تۉلیق مدتلی محنت شرطنامه‌سی امضالش امکانیتی بیلن ایتالیا کلینیکلریده 3 آیلیک ستیجراوکه حقیده‌گی اعلان اگست آییده میگره‌تسيه اگېنتلیگی تامانیدن بېریلگن اېدی. ستاجیراوکه یکونیده نرسلر بیلن 1800−2200 یېورا معاشلی شرطنامه توزیش یاکه اوّلگی ایش اۉرنیگه قَیتریش بۉییچه تکلیف بېریلیشی ایتیلگندی. شونینگدېک، بیرینچی باسقیچده 10 ته نامزاد تنلب آلینیشی تأکیدلنگن اېدی.
اېسله‌تیب اۉته‌میز، شوکت میرضیایف و جارجه مېلانی اۉرته‌سیده‌گی مذاکره‌لرده توشیه، پیزه و تورین یونیورسیتیلری بیلن شریکلیک تۉغریسیده‌گی ایکّی تامانله‌مه بیتیملرنی المشیش مراسمی هم اۉتکزیلگن اېدی. شونینگ اساسیده، سمرقندده ایتالیا نینگ توشیه یونیورسیتیی فیلیالی آچیلدی. اۉقوو ییلی 2026-ییل جنورییدن باشلنه‌دی. دهقانچیلیک یۉنه‌لیشی بۉییچه تعلیم بېره‌دی.
