اۉزبېکستان‌ده 2025 ییل نینگ 9 آییده 155 نفر 15−17 یاشده‌گی قیز اېرته تورموشگه بېریلگنی انیقلنگن. ساغلیقنی سقلش وزیری اصیل بېک خدیراو اېرته تورموش بیلن بیرگه قرینداشلر اۉرته‌سیده‌گی نکاح حالتلری دوام اېته‌یاتگنینی تأکیدله‌دی. او شولر بۉییچه ترغیبات ایشلری اۉتکزیلیشینی معلوم قیلدی.
اۉزبېکستان‌ده 2025-ییل نینگ اکتوبر آییگچه 155 نفر 15−17 یاشده‌گی قیز اېرته تورموشگه بېریلگن. بو حقده ساغلیقنی سقلش وزیری اصیل‌بېک خدیراو 14-اکتوبر بۉلیب اۉتگن جمهور رییس باشچیلیگیده‌گی سېلېکتاردن سۉنگ «اۉزبېکستان 24» تلویزیونیگه معلوم قیلدی.
وزیرنینگ قید اېتیشیچه، جمهور رییس یاشلر اۉرته‌سیده، اینیقسه قیزلرنی اېرته تورموشگه بېریش مسأله‌لری بۉییچه تنقیدي فکر بیلدیرگن. وزیر اېرته تورموش حالتلریدن تشقری قرینداش-اوروغلر اۉرته‌سیده‌گی نکاحنی حلی هم صادر اېتیله‌یاتگنینی قید اېتدی.
«اېرته تورموش قوریش و قرینداش-اوروغلر اۉرته‌سیده‌گی نکاحلر، البته، کۉپلب معلول فرزندلرنی توغیلیش احتمالینی زمانه‌وي طبیات اثباتله‌گن»، دېدی وزیر.
شونینگدېک، وزیر سېلېکتارده عیاللرنی، خاتین-قیزلرنی اینتروالگه رعایه قیلمه‌گن حالتده بیر تقویم ییلیده ایکّی مرته حامله‌دار بۉلیش حالتلری، نیم‌جان، سلامتلیگیگه زیان یېتگن فرزندلرنینگ دنیاگه کېلیش حالتلرینی هم اېسلب اۉتیلگنینی ایتدی.
«حرمتلی جمهور رییس منه شو حالتلرنی وجودگه کېلمسلیگی اوچون، ینگی اۉزبېکستاننی قورووچی برکمال اولاد، ساغلام اولاد دنیاگه کېلیشی اوچون، البته، محله، خاتین-قیزلر کمیته‌سی، دیني علمالر، محلي حاکملیکلر بیلن بیرگه‌لیکده جایلرده‌گی طبیات خادملری‌نینگ ینه هم مسوولیت بیلن وظیفه‌لرگه قره‌شلری بۉییچه تنقیدي مناسبت بیلدیردیلر»، دېدی خدیراو.
اونینگ تأکیدلشیچه، یوقاریده‌گیلر بۉییچه اهالی آره‌سیده کېنگ قمراولی و تأثیرچن ترغیبات اصوللرینی اۉتکزیله‌دی. «اگر منه شونده‌ی حالتلر تکرارلنه‌دیگن بۉلسه، بونی محله درجه‌سیده محاکمه قیلیب، بونی برطرف اېتیش چاره‌لرینی کۉریله‌دی»، دېدی وزیر.
آلیدینراق خبر بېرگنیمیزدېک، سېلېکتارده یقین قرینداشلر اۉرته‌سیده‌گی و اېرته نکاحلر نینگ سلبي عاقبتلری برچه‌نی حاکملر، «محله یېتّیلیگی»، نورانيلر، بوتون جماعتچیلیکنی قتّيق تشویشگه سالیشی کېره‌کلیگی قید اېتیلدی.
اونده ییل باشیدن 32 مینگگه یقین عایله اجره‌شیب کېتگنی، 16 مینگ آته-آنه الیمینت تۉله‌شدن بۉیین تاولب کېله‌یاتگنی، عایله‌سی و باله‌لرینی کریدیت قرضلری بیلن تشلب کېتیش حالتلری اوچره‌یاتگنی معلوم قیلیندی.
شونینگدېک، اجریملرده طرفلر، اینیقسه، فرزندلر آغیر مادّي احوالگه توشیشی نینگ آلدینی آلیش اوچون نکاح شرطنامه‌سی توزیش نینگ افضللیکلرینی ترغیب قیلیش لازملیگی تأکیدلندی.
